| e-texts navigator |
| Wylie |
89a1 ཨུ་རྒྱན་གསང་བ་བརྡ་སྐད་དུ། ཤས?ཿ། ཨཿགཱཀྱ་གྱཀྐརྻ[:]རྒྱ་གར་སྐད་དུ། གྷུ་རུ་དྷེ་ཝ་ཌཱཀྐི་ནི་སརྦ་ཀ་ཡ་ཏནྟ་ཨ་མ་ལ་པ་ར་ཏ་ནི་སྲྀཥྚ་ན་མ། བོད་སྐད་དུ། བླ་མ་ཡི་དམ་མཁའ་འགྲོ་ཐམས་ཅད་ཀྱི
89a2 སྐུ་རྒྱུད་ཤེལ་གྱི་རི་བོ་རྣམ་པར་བཀོད་པ་ཞེས་བྱ་བ། ཡེ་ཐོག་དང་པོའི་སངས་རྒྱས་བཅོམ་ལྡན་འདས་མགོན་པོ་འོད་དཔག་ཏུ་མེད་ཅིང་གཟི་བརྗིད་མཐའ་ཡས་པའི་དཔལ་ལ་ཕྱག་འཚལ་ལོ།། ཨེ་མ་ཧོ།། ཡེ་ཀློང་ཆེན
89a3 པོའི་ཕོ་བྲང་དུ།། སྟོན་པ་དཔག་མེད་རྒྱལ་པོ་ལ།། གཟུགས་ཀྱི་རྡོ་རྗེ་ལ་སོགས་པའི།། སྟོབས་ལྡན་འདུས་པའི་འཁོར་རྣམས་ཀྱིས།། ཐབས་ཤེས་འདུས་ཤིང་ཚོགས་པའི་ཚེ།། སྣང་སྲིད་རོལ་པའི་འཁོར་རྣམས
89a4 ཀྱིས།། གནད་དོན་བསྐྱེད་པའི་དོན་ཞུས་པ།། ཨེ་མ་ཨེ་མ་བཅོམ་ལྡན་འདས།། ཕྱི་ནང་སྣང་སྲིད་རྟེན་འབྲེལ་ཀུན།། ཡེ་གདངས་ལྷ་ཡི་རོལ་པ་ལས།། མ་དག་པ་དང་དག་པ་དང་།། ཡེ་དག་ཆེན་པོ་དག་པའི
89a5 ཀློང་།། སྒྱུ་མ་ལྟ་བུའི་སྐུ་བསྒོམས་ན།། བླ་མ་ལྷ་དང་ཌཱཀྐི་དང་།། དེ་དང་དེ་སྦྲུལ་ཡང་སྤྲུལ་པ།། རྐང་གྲངས་མཚན་བཤད་སྩལ་དུ་གསོལ།། དེ་བཞིན་བྱིན་གྱིས་བརླབ་ཚུལ་དང་།། དཀར་སེར་དམར་སོགས་སྐུ་མདོག
89a6 དང་།། དེ་བཞིན་རྒྱན་དང་ཆ་ལུགས་དང་།། རྣམ་འགྱུར་མཛད་པ་ཕྲིན་ལས་དང་།། ཕྱག་མཚན་འཛིན་དང་དེ་ཚུལ་དང་།། དཔའ་བོ་ཡབ་ཀྱི་རྒྱུ་མཚན་དང་།། དཔའ་མོ་ཡུམ་གྱི་རྒྱུ་མཚན་དང་།། དེ་དག་འཁོར་གྱི་རྣམ
iiif viewer powered by OpenSeadragon
