| e-texts navigator |
| Wylie |
88a1 འགྱུར།། ཚེ་འཕོས་ལྟས་བཟང་མཚན་མར་བཅས།། ནད་གདོན་དུཿཁ་ཉེར་ཞི་ཞིང་།། མཐའ་ཡས་བཀོད་སོགས་ཞིང་ཁམས་སུ།། བགྲོད་འགྱུར་ཐེ་ཚོམ་མེད་གྱུར་ན།། བསྒྲུབ་ཅིང་ཉམས་སུ་བླངས་པས
88a2 ནི།། བླ་མེད་འབྲས་བུ་མྱུར་ཐོབ་སྟེ།། རང་གཞན་དོན་གཉིས་འགྲུབ་པ་དང་།། འབྲས་བུ་ལྷུན་རྫོགས་སྨོས་ཅི་དགོས།། དེ་ཕྱིར་བསྟན་ལ་ཞུགས་རྣམས་ཀྱིས།། ཉམས་སུ་ལེན་དང་གཞན་ལ་སྟོན།། འབྲི་ཀློག་འཆང
88a3 ཞིང་གསོལ་བ་གདབ།། དེ་འབྲས་ནུས་པ་དཔག་པར་དཀའ།། ཐུགས་བཅུད་འདུས་པའི་རྒྱུད་ཀྱི་རྒྱལ་པོ་པད་སྡོང་བརྩེགས་པ་ལས། ཆེ་བའི་ཡོན་ཏན་དང་བཅད་ཐབས་བསྟན་པའི་ལེའུ་སྟེ་ཉི་ཤུ་པའོ།། །
88a4 སྠི།། ། དེ་སྐད་དཔག་མེད་རྒྱལ་པོ་ཡིས།། དབང་པོ་ལ་སོགས་འཁོར་རྣམས་ལ།། རང་བཞིན་ཀློང་ནས་རང་བབས་སུ།། པདྨའི་ལྗགས་ཀྱིས་སྤྲས་པ་དང་།། བྱང་ཆུབ་སེམས་དཔའི་འཁོར་གྱི་ཚོགས།། གཟུགས་ཀྱི
88a5 སྙིང་པོ་ལ་སོགས་དང་།། མ་མོ་མཁའ་འགྲོར་བཅས་པ་རྣམས།། རྗེས་སུ་ཡི་རང་ཚུལ་གྱིས་ནི།། ཨེ་མ་ཨེ་མ་བཅོམ་ལྡན་འདས།། ཡང་དག་དོན་ལྡན་བླ་ན་མེད།། ལེགས་སོ་ལེགས་སོ་ལེགས་པར་སྨྲས།། བསྟོད
88a6 བསྔགས་དུ་མས་མངོན་པར་བསྟོད།། ཐུགས་བཅུད་འདུས་པའི་རྒྱུད་ཀྱི་རྒྱལ་པོ་པད་སྡོང་བརྩེགས་པ་ལས། རྗེས་སུ་ཡི་རང་ཞིང་མངོན་པར་བསྟོད་པའི་ལེའུ་སྟེ་ཉེར་གཅིག་པའོ།། སྠི།། ། བདེ་བར
iiif viewer powered by OpenSeadragon
