| e-texts navigator |
| Wylie |
87b1 རིག་པའི་བུ།། སྐྱེ་འཆི་མི་གོས་རྡོ་རྗེའི་སྐུ།། དྲི་མེད་མཚོ་དབུས་འདབ་བརྒྱད་ལས།། ལེགས་བྱུང་སྦྲུལ་སྐུ་པདྨ་འབྱུང་།། རྒྱལ་བ་རྣམས་ཀྱི་ཕྲིན་ལས་བདག། སྣ་ཚོགས་སྤྱོད་པ་རླབས་པོ་ཆེས།། གདུལ་བྱའི་མོས་བློ་ཐ
87b2 ད་ལ།། རྣམ་པ་བཞི་ཡི་དོན་བྱེད་འགྱུར།། དེ་སྲས་སྦྲུལ་དང་ཡང་སྦྲུལ་དང་།། མ་འོངས་དོན་བྱེད་སྐྱེས་བུ་ནི།། ཆོ་འཕྲུལ་སྟོན་པ་ལ་ལ་ཞིག། འདི་ཉིད་མཚན་ཙམ་འཛིན་པ་འབྱུང་།། དེ་ནས་ཉི་མའི་ཟེར་ཟག
87b3 ལྟར།། སྣང་སྦྲུལ་ཁྱབ་བྱེད་གནས་སྐབས་འགར།། འཕྲོས་པའི་ཕྲེང་བའང་རེ་རེ་ཙམ།། མཐའ་ནས་མཐའ་རུ་འབྱུང་བར་འགྱུར།། ཚུལ་མིན་འཆོལ་བར་འབྱུང་སྲིད་ཀྱི།། ཚུལ་འདི་ནམ་ཡང་འཇིག་མི་མངའ།། ཅི་ཕྱིར
87b4 རྒྱལ་བའི་གདུང་འཛིན་པ།། གཡུང་དྲུང་ཉིད་དུ་བརྟན་པའོ།། བསྟན་པ་དམ་པ་འདི་དང་ནི།། དོན་བྱེད་དམ་པ་སྤྲུལ་པར་བཅས།། འདི་འཕྲད་སྲིད་པ་མ་ལུས་ཀུན།། མི་ནུབ་དར་རྒྱས་གཉིས་ལྡན་ཤོག། ཐུགས་བཅུད
87b5 འདུས་པའི་རྒྱུད་ཀྱི་རྒྱལ་པོ་པད་སྡོང་བརྩེགས་པ་ལས། མ་འོངས་ལུང་བསྟན་དང་སྨོན་ལམ་གྱི་ལེའུ་སྟེ་བཅུ་དགུ་པའོ།། སྠི།། ། འདི་ནི་བསྟན་པ་གང་བབ་ཀྱི།། རིན་ཆེན་བཞུས་པའི་ཁུ་བའམ།། ཡང་ན
87b6 གང་འཐད་སྨན་སོགས་ཀྱིས།། བྲིས་ཤིང་ལུས་ལ་བཅངས་པས་ཀྱང་།། ཚེ་འདིར་ལྷ་དང་མིས་མཆོད་ཅིང་།། བར་དུ་གཅོད་པའི་བདུད་ཚོགས་ཀྱང་།། ཞི་བའི་ལས་ལ་གནས་པ་དང་།། བཀུར་སྟི་བཅས་ཏེ་བསྲུང་བར
iiif viewer powered by OpenSeadragon
