| e-texts navigator |
| Wylie |
87a1 བལྟ།། ཐུགས་བཅུད་འདུས་པའི་རྒྱུད་ཀྱི་རྒྱལ་པོ་པད་སྡོང་བརྩེགས་པ་ལས། ཌཱཀྐིའི་ཆགས་ལམ་གསང་བ་བླ་མེད་ཀྱི་གདམས་པ་བསྟན་པའི་ལེའུ་སྟེ་བཅུ་བདུན་པའོ།། སྠི།། ། བསྐྱེད་རྫོགས
87a2 བརྟན་པ་ཐོབ་པ་ཡི།། འབྲས་བུ་བཅུད་དུ་སྨིན་ཚུལ་དག། གནས་སྐབས་མཐར་ཐུག་ཡང་དག་དོན།། ངོ་བོ་དབྱེར་མེད་གྲུབ་ཚུལ་ནི།། ཆད་རྟགས་ཡིད་གཉིས་ལས་གྲོལ་ཏེ།། འབྲས་བུ་སྐུ་གསུམ་བཅུད་དུ་སྨིན།། རང
87a3 གཞན་ཀུན་དོན་ལས་བྱེད་ཅིང་།། དོན་གཉིས་ཡང་དག་ཚད་དུ་ལྡང་།། ཕ་རོལ་རྒོལ་བ་སུན་འབྱིན་ནས།། སྣ་ཚོགས་ལས་ལ་དབང་འབྱོར་ཏེ།། ཡང་དག་ས་ལ་འགོད་པ་དང་།། ཡང་ན་དབྱིངས་སུ་གྲོལ་བར
87a4 བྱེད།། དབང་པོ་གསུམ་གྱི་ཁྱད་པར་ལས།། འདི་ཉིད་དང་ནི་བར་དོ་རུ།། གཅིག་གི་བརྒྱུད་དེ་ས་ཆོད་ནས།། ཡང་དག་བརྟན་པ་མི་གཡོ་འགྱུར།། གདོས་བཅས་ཉིད་དང་བྲལ་བའི་ཚེ།། རྡུལ་བྲལ་མཁའ་དང་འོད
87a5 ཟེར་འཇའ།། ཡིག་འབྲུ་སྐུ་གདུང་རིང་བསྲེལ་སོགས།། སྐུ་གསུམ་ཐོབ་རྟགས་མང་འབྱུང་འགྱུར།། འབད་པ་དོན་ཡོད་གཅིག་ཆོ་ག་ཉིད།། འདི་ནི་དུས་གསུམ་རྒྱལ་བའི་བཀའ།། ལ་ལས་རྣ་བའི་དབང་པོ་རུ།། ལན
87a6 ཅིག་ཐོས་ཀྱང་དོན་ཆེན་འགྲུབ།། ཐུགས་བཅུད་འདུས་པའི་རྒྱུད་ཀྱི་རྒྱལ་པོ་པད་སྡོང་བརྩེགས་པ་ལས། བསྐྱེད་རྫོགས་ཀྱི་འབྲས་བུ་གྲུབ་ཚུལ་བསྟན་པའི་ལེའུ་སྟེ་བཅོ་བརྒྱད་པའོ།། སྠི།། ། འདི་ལ་དབང་སྤྱོད
iiif viewer powered by OpenSeadragon
