| e-texts navigator |
| Wylie |
84b1 ངག་ཡིད་བདེ་ཞིང་།། ཁམས་རྒྱས་རྟོགས་འབར་འདོད་པའི་དོན།། ཆོས་འགྲུབ་གནས་སྐབས་མཐར་ཐུག་གི། བྱེད་འབྲས་འབྱུང་བ་མཚན་མའོ།། ཐུགས་བཅུད་འདུས་པའི་རྒྱུད་ཀྱི་རྒྱལ་པོ་པད་སྡོང་བརྩེགས་པ་ལས།།
84b2 རྟགས་དང་མཚན་མ་བསྟན་པའི་ལེའུ་སྟེ་བཅུ་གཉིས་པའོ།། སྠི།། ། ལྷ་དང་བླ་མ་གྲུབ་ནས་ནི།། ཅི་འདོད་ཕྲིན་ལས་ཁ་བསྒྱུར་བརྩོན།། བྱིན་རླབས་འདོད་པས་བླ་མས་ནི།། དད་ཅིང་གདུང་བས་ལས་ལ
84b3 སྦྱང་།། དངོས་གྲུབ་འདོད་པས་ཡི་དམ་ལྷ།། ཕོ་མོ་ཞི་དྲག་གཞན་ཕན་བློས།། དྲིལ་དང་བྱེ་བྲག་སོ་སོ་སོགས།། ཡིད་གཉིས་མེད་པར་ལས་ལ་སྦྱར།། ཞི་རྒྱས་དབང་དང་མངོན་སྤྱོད་སོགས།། བར་ཆོད་སེལ་དང
84b4 བསྟན་པ་བསྲུང་།། མ་མོ་ཌཱཀྐི་ཆོས་སྐྱོང་གི། ལས་སྦྱོར་དམ་ཚིག་ལྡན་པས་འབད།། གཞན་ཡང་གནས་སྐབས་མཐར་ཐུག་གི། ཕྲིན་ལས་ཁ་བསྒྱུར་ལས་ཕྲན་རྣམས།། དད་དང་བརྩོན་འགྲུས་དམ་ཚིག་ལྡན།། ཡིད
84b5 གཉིས་བྲལ་བའི་རྣལ་འབྱོར་པས།། འཇིག་རྟེན་འདས་དང་མ་འདས་ཀྱི།། ལྷ་དང་བླ་མ་ལ་སོགས་དང་།། འཁོར་དང་སྤྲུལ་པ་ཡང་སྦྲུལ་གྱི།། བསྒྲུབ་པ་གྲུབ་ནས་བརྩམ་པར་བྱ།། དེ་གྲུབ་མཉེས་པར་མ་བྱས
84b6 ཤིང་།། འདོད་པས་ལས་སྦྱོར་གང་བརྩམས་ཀྱང་།། འགྲུབ་པར་མི་འགྱུར་བར་ཆད་ནི།། མི་རུང་ལྟས་དང་བཅས་ཏེ་འབྱུང་།། དེ་ཕྱིར་ལྷ་དང་བླ་མ་ཉིད།། གྲུབ་ན་མཉེས་པར་བྱ་བ་དང་།། མ་མོ་ཌཱཀྐི་བྲན་ཁོལ
iiif viewer powered by OpenSeadragon
