| e-texts navigator |
| Wylie |
76a1 དབྱངས་ལ་སོགས་པའི་སྒྲ་དང་། གླེགས་བམ་ལ་འོད་འབར་བ་ལ་སོགས་པའི་ལྷས་འབྱུང་བར་འགྱུར་རོ།། དེ་ནས་མཆེད་དང་ལྕམ་དྲལ་ལ་སོགས་པ་འདུས་པ་རྒྱ་མཚོ་ལ་ཟབ་མོ་ཚོགས་ཀྱི་འཁོར་ལོ
76a2 དང་ཡོན་འབུལ་ཅི་འགྲུབ་བྱས་ཤིང་། དུས་བཟང་པོའི་ཚེ་སྔ་དྲོ་དང་པོར་གླེགས་བམ་རང་གི་སྤྱི་བོར་བླངས་པ་ཙམ་གྱིས་ཕྱོགས་དུས་ཀྱི་བླ་མ་སངས་རྒྱས་བྱང་ཆུབ་སེམས་དཔའ། ཡི་དམ་ཞི་ཁྲོ་རབ་འབྱམས། དཔའ
76a3 བོ་མཁའ་འགྲོ་ལ་སོགས་པ་ཐམས་ཅད་རང་གི་སྤྱི་བོར་སྤུང་གིས་བྱོན་ནས་བྱིན་གྱིས་བརླབ། དབང་བསྐུར་མཛད་དེ་ཐམས་ཅད་རང་གི་སྙིང་གར་སིབ་ཀྱིས་ཐིམ་པར་བསམས་ལ། རྣམ་པར་མི་རྟོག་པའི་ངང་ལ
76a4 མཉམ་པར་བཞག། གླེགས་བམ་ནམ་དུ་ཡང་ཞལ་མ་ཕྱེ་བར་རང་གི་མཆན་ཁུང་གཡོན་དུ་དྲོད་དང་སྐད་ཅིག་ཀྱང་མ་བྲལ་བར་འཆང་ཞིང་དུས་དང་རྣམ་པ་ཐམས་ཅད་དུ་དད་པ་མོས་གུས་ཀྱི་ཤུགས་བསྐྱེད་ལ་ཅི་ལྟར
76a5 འདོད་པའི་དོན་འབྲས་ལ་གསོལ་བ་གདབ། དེ་ནས་བཀྲ་ཤིས་ཀྱི་ཚིགས་སུ་བཅད་པ་བརྗོད། བླ་མ་ཡི་དམ་མཁའ་འགྲོ་ལ་གཏང་རག་གི་མཆོད་པ་རྒྱ་ཆེན་པོ་འབྲལ། གཞན་ཡང་རྗེས་ཀྱི་བྱ་བ་སྤྱོད་པ་ཐམས་ཅད་སྤྱི
76a6 དང་མཐུན་ལ་གཞན་དད་ལྡན་གྱི་སྐྱེས་བུ་གང་དང་གང་ལ་གདོགས་པར་འདོད་པས་ཀྱང་། ཚུལ་དེ་དག་ལ་རྡོ་རྗེ་སློབ་དཔོན་གྱིས་གང་གིས་འཆང་བ་དེ་ལ་གླེགས་བམ་གྱིས་དབང་བསྐུར་ནས་གདགས་པར་བྱའོ།། དེ
iiif viewer powered by OpenSeadragon
