| e-texts navigator |
| Wylie |
74a1 ཤེས་ཅན་དང་། གོལ་ཞིང་ཆོས་སྤྱོད་པ་ལ་རྒོལ་ཞིང་གནོད་པ་རྣམས་ཚར་གཅོད་པར་མཛད་པའོ།། གཟི་ལྡན་འབར་བ་སྨོན་ལམ་གྱི་རྒྱུད་འདི་རྣལ་འབྱོར་པ་དང་སེམས་ཅན་ཐམས་ཅད་ཀྱི་དོན་དུ།
74a2 སངས་རྒྱས་ཞིང་ཀུན་སྤྱོད་པར་གྱུར་ཅིག་པར་སྨོན་ལམ་བཏབ་བོ།། འཁོར་རྣལ་འབྱོར་གྱི་དབང་ཕྱུག་རྣམས་ཀྱང་དགའ་ནས་དོང་ངོ་།། ཁྲོ་བོ་བཅུའི་སྨོན་ལམ་གཟི་ལྡན་འབར་བའི་མཚམས་ཀྱི་རྒྱུད་རྫོགས
74a3 སོ།། །། བླ་མ་དགོངས་པ་འདུས་པ་ལས། དད་བརྩོན་དང་ལྡན་པའི་སྐྱེས་བུས་རྒུད་འཆང་བའི་ཐབས་དང་། རྒྱུད་ཀྱི་ཆེ་བ་བསྟན་པ་བཞུགས།། ཙ་ཆཏ་ཐྱཡཱ། བཉཡ་སྟྭཾ་ཧ། ན་མོ་གུ་རུ་དྷེ་ཝ་ཌཱཀྐི
74a4 ནི་ཧཱུཾ། དད་པ་དམ་ཚིག་ལ་གནས་ཤིང་། བླ་མ་ཡི་དམ་མཁའ་འགྲོ་ལ་མོས་པ་ལམ་དུ་བྱེད་པའི་རྣལ་འབྱོར་ཕོ་མོ་གང་དག་གིས། རྒྱུད་འཆང་བར་འདོད་པས། དུས་ཁྱད་པར་ཅན་ཉ་སྟོང་བརྒྱད་གསུམ་དང་ཚེས་བཅུ
74a5 ལ་སོགས་པ་དང་། གཟའ་སྐར་བཟང་པོ་ལ་བབས་པའི་ཚེ། བཀྲ་ཤིས་ལ་བྱིན་ཆགས་ཤིང་ཡིད་དང་མཐུན་པའི་གནས་སུ་བླ་མ་ཡི་དམ་མཁའ་འགྲོའི་དཀྱིལ་འཁོར་བཞེངས་ཤིང་སྐུ་རྟེན་བཀྲམ། ཕྱི་ནང་གི་མཆོད་པ
74a6 དང་། སྨན་རག་གཏོར་གསུམ་ལ་སོགས་པ་མཆོད་པའི་ཡོ་བྱད་བཤམས་ཤིང་། བསྒྲུབ་མཆོད་ཅི་འགྲུབ་ལ་འབད། དེ་ནས་རང་ཉིད་བྲིས་མཁན་ལུས་ངག་ཡིད་གསུམ་རྒྱུད་དག་ཅིང་སེམས་བསྐྱེད་དང་ལྡན་པའི་ངང
iiif viewer powered by OpenSeadragon
