| e-texts navigator |
| Wylie |
68a1 འགྱུར་ཏེ། གསང་སྔགས་དང་དྲགས་ནས་སྤྱད་ཉེས་པའོ།། དེ་ཅིའི་ཕྱིར་ཞེ་ན། དར་བའི་དབང་གིས་བསྲུང་བའི་རིམ་པ་མེད་པར། བརྩེ་གདུང་ཆུང་ཞིང་ཞེ་འདོད་པའི་དབང་གིས་སྤྱོད་པས་ཉམས
68a2 སོ།། སྔགས་འདུ་བྱེད་ཀྱི་དམ་པས་ན་ཡང་ཉམས་སོ།། དེ་ཅིའི་ཕྱིར་ཞེ་ན། མི་ཤེས་པའི་དབང་གིས། ཁེ་གྲགས་དང་། སྒྲོ་སྐུར་དང་། བཞེད་པར་གྱུར་པས་ཉམས་སོ།། གསང་སྔགས་འཕྱར་ཞིང་ངོམ་པས་སྤྱད་ན་ཡང
68a3 ཉམས་སོ།། དེ་ཅིའི་ཕྱིར་ཞེ་ན། བཀའ་སྨོད་ཅིང་གདེང་མ་ཟིན་པས་དངོས་གྲུབ་ཡལ་བས་ཉམས་སོ།། གསང་སྔགས་སྤྱོད་པ་མི་གཟོབ་པར་སྤྱད་ན་ཡང་ཉམས་སོ།། དེ་ཅིའི་ཕྱིར་ཞེ་ན། འཕྱ་སླ་བ་དང་འཆལ་རྒད་དུ
68a4 གྱུར་པས་ཉམས་སོ།། གསང་སྔགས་གསང་སྒོ་མེད་པར་སྤྱད་ན་དེ་བས་ཀྱང་ཉམས་ཏེ། ཡ་ག་དང་སྒྲོ་སྐུར་དང་། མཚང་ཚིག་ཏུ་གྱུར་པས་ཉམས་སོ།། སྔགས་ཤེས་རབ་བརྟུལ་ཞིང་མ་ཤེས་པས་སྤྱད་ན་ཉམས་སོ།། དེ
68a5 ཅིའི་ཕྱིར་ན་དོན་མ་ཁྲོལ་བར་ཐེ་ཚོམ་དང་རྟོག་པ་སྐྱེ་བའི་རྒྱུར་གྱུར་པས་ཉམས་སོ།། གསང་སྔགས་རྒྱུ་ལེ་ལོ་དང་སྒྲ་སྙོམས་ཅན་གྱིས་སྤྱད་ན་ཡང་ཉམས་ཏེ། དེ་ཅིའི་ཕྱིར་ཞེ་ན། ལས་སུ་མ་རུངས་པས་སྒྲོ་སྐུར
68a6 འདེབས་ཤིང་རྫུན་པར་སྤྱོད་པས་ཉམས་སོ།། དེ་བས་ན་སྨན་པ་མཁས་པ་འདྲ་བའི། ས་ར་ས་དང་ཏྲ་དང་། པྲཛྙཱ་དང་ས་མ་ཡ་དང་། ཛྙཱ་ན་དང་། གྷུ་ཧྱ་དང་སིན་དུ་མ་དང་། དྷརྨ་ཏ་ལ་དང་ལྡན་པ་རྣམས་ཀྱིས་སྤྱོད་པ
iiif viewer powered by OpenSeadragon
