| e-texts navigator |
| Wylie |
67b1 ཕུང་བར་འོང་སྟེ། སྡིག་ཀྱང་དེ་ལས་ཆེ་བ་མེད་ཅིང་། ཁྲོ་བོ་དང་ཁྲོ་མོ་དང་། ཕོ་ཉ་དང་ཕྱག་བརྙན་གྱི་བཀའ་ཆད་ཀྱི་གནས་སུ་འགྱུར་རོ།། གསང་བའི་དམ་ཚིག་ནོས་ནས་དམ་ཚིག་ཅན་ཞེས་དམ་བཅས་ནས། བཀའ
67b2 དམ་པ་དང་། སྔགས་དམ་པ་དང་། གསང་བ་དམ་པ་དང་། དབང་དམ་པ་དང་། སྤྱོད་པ་དམ་པ་དང་། ཕྲིན་ལས་དམ་པ་དང་། དམ་ཚིག་དམ་པ་དང་། མན་ངག་དམ་པ་དང་། རྫས་དམ་པ་མེད་པར་ཞབས་རྡོལ
67b3 དུ་སྤྱད་ན། ངེས་ཚིག་ཆུ་ལ་སྒྱུར། གཏན་ཚིགས་རླུང་ལ་ཕྱར། ལུས་ངག་ཡིད་གསུམ་ཤིན་ཏུ་རུལ་ཚིག་ཉམས་ཏེ། མནར་མེད་པར་སྐྱེས་པ་ལ་ཁྲོ་བོ་འདི་དག་རྔམ་ཆེན་དང་ཐུགས་རྗེ་ཅན་དུ་འོང་སྟེ། སྡུག་ཀྱང་དེ་ལས
67b4 སྡུག་པ་མེད་ལ། སྙིང་ཡང་དེ་ལས་རྗེ་བ་མེད་དོ།། འདིར་ཡང་མ་མོ་དང་མཁའ་འགྲོ་སྒྲོལ་བའི་ཞིང་བཅུར་གྱུར་ནས། ཕྱི་མ་ལ་ཐར་པའི་དུས་མེད་པར་འགྱུར་བས། འཇིག་རྟེན་རྩལ་འཆང་རྣམས་ཀྱིས་དཔྱས་ཤིང
67b5 དབང་མི་བསྐུར་ཏེ། རྒྱལ་བ་རྣམས་ཀྱིས་ཀྱང་དེ་ལ་སྐབས་ཕྱེད་པར་མི་ནུས་ཏེ། ཤིན་ཏུ་སྡུག་བསྔལ་བ་མི་བཟོད་པར་མྱོང་ངོ་།། འདི་དག་གསང་ཞིང་སྤྱད་ལེགས་ན། བསྒྲུབ་པའི་འབྲས་བུ་ཇི་ལྟར་ཡང་འགྲུབ
67b6 བོ།། ངག་གི་དབང་པོ། དཔེར་ན་སྨན་པས་རྩ་དཔྱད་ཀྱིས་འདུ་བ་རྣམ་བཞི་ངོས་མ་ཟིན་པས། ཚ་གྲང་གི་སྨན་ལོག་པར་སྦྱར་ན། འཆི་བར་བྱེད་པར་འགྱུར་བ་བཞིན། གསང་སྔགས་འདི་སྤྱད་ཉེས་ན་མ་རུང་བར
iiif viewer powered by OpenSeadragon
