| e-texts navigator |
| Wylie |
66a1 བསྒྲུབས་ཀྱང་དེའི་འབྲས་བུ་མི་འོང་སྟེ་སླར་དེ་ཉིད་འཆི་བའི་བདུད་ལ་སོགས་པའི་གེགས་སུ་འགྱུར་རོ།། དེ་ཅིའི་ཕྱིར་ཞེ་ན། དེ་དག་ཐུགས་རྗེ་དབྲི་བཀོལ་མི་མཛད་ཀྱང་། དཔེར་ན་ཟས་བཅུད་ཅན
66a2 སེམས་ཅན་རིད་པས་མི་འཇུ་སྟེ། འཆི་བའི་དུག་ཏུ་འགྱུར་བ་བཞིན། འཕགས་པའི་ཐུགས་རྗེ་ཆེན་པོ་དམ་ཚིག་ཉམས་པའི་བདུད་དུ་འབབ་སྟེ། གང་དེ་ཉིད་ཀྱིས་དེ་བཞིན་དུ་དམ་བཅའ་ཁས་འཆེས་ནས། དེ་ཉིད
66a3 ཀྱིས་དེ་བཞིན་དུ་མ་བྱས་པས་དེ་ཉིད་ཀྱི་བདུད་དུ་བྱུང་བ་ལ། ཉམས་པའི་འབྲས་བུ་རྡོ་རྗེ་བས་སྲ་བས། གཉེན་པོ་ཅིས་ཀྱང་བཅོས་པའི་ཐབས་མེད་པའོ།། དེ་བས་ན་དམྱལ་བའི་སྡུག་བསྔལ་ལས་འཕགས
66a4 པའི་ཐུགས་རྗེས་མི་འགྱུར་བ་མེད་ན། དམ་ཚིག་ཉམས་པའི་དམྱལ་བ་ལས་འཕགས་པའི་ཐུགས་རྗེས་དེར་འཇུག་གོ། དེ་གང་ནོར་བ་ལ་འགྱོད་པས་ཕན་པ་ཡོད་ན་ཆོས་ནོར་བའི་ལས་སྨིན་པའི་འབྲས་བུ་ལ་འགྱོད
66a5 པས་ཕན་པ་མེད་དོ།། ཅི་ལ་ཡང་ཅུང་ཟད་ཙམ་སྡོད་ལོང་ཡོད་ཀྱང་རྡོ་རྗེ་དམྱལ་བའི་སྡུག་བསྔལ་ལ་སྐད་ཅིག་ཙམ་ཡང་བསྡད་ལོང་མེད་དོ།། དེའི་ཕྱིར་སྡིག་པ་ཐམས་ཅད་ཀྱི་ནང་ནས་སྲོག་གཅོད་པ་ཆེའོ།། དེ་ཡང
66a6 ཁམས་གསུམ་གྱི་སེམས་ཅན་ཐམས་ཅད་སྲོག་བཅད་པ་བས། མཚམས་མེད་པ་ལྔའི་ལས་བྱེད་པ་ཆེའོ།། མཚམས་མེད་པའི་ལས་བསྡོམས་པ་ལས། ཆོས་ལོག་པར་སྤྱོད་པ་སྡིག་ཆེའོ།། དེ་གང་ཞེ་ན། གོང་མ་དེ
iiif viewer powered by OpenSeadragon
