| e-texts navigator |
| Wylie |
65a1 པར།། ཉན་པ་ཡོད་ན་རྣ་བ་བཅད།། བལྟ་བ་འདུག་ན་མིག་ཕྱུང་སྟེ།། གདུག་པ་ཡོད་ན་བསྒྲལ་བར་བྱ།། སྤྱོད་པ་བརླང་པོ་བརྩམ་པར་བྱ།། རྡོ་རྗེ་འཛིན་པ་ཉིད་ཀྱིས་གསུངས་སོ།། ཨོཾ་ནཱ་ཤ་ཡ་མཱ་ར་ཡ
65a2 ཕཊ། ཏ་ཐ་ན་ཙིཏྟ་བཾ་རི་ལ་མཱ་ར་ཡ་ཛ། ཞེས་པས་བར་དུ་གཅོད་པ་སྒྲ་མ་གྲགས་པར་གྱུར་ཏོ།། ངག་གི་དབང་པོ་དེ་ལྟ་བུའི་གསང་བའི་དོན་འདི་ནི། ཐུན་མོང་མ་ཡིན་པའི་ཕྱིར། དང་པོ་སངས་རྒྱས་ཉིད་ཀྱི་བསྒྲུབ་པ
65a3 ལ། དེ་ནས་ལྷ་རྣམས་ཀྱི་བསྒྲུབ་པ་ལ་རིམ་གྱིས་སྤྱོད་ཡུལ་དུ་བཀའ་སྩལ་པ། མི་ཕལ་རིགས་སུ་སྣང་ན་ཡང་། མི་ཕལ་པ་དག་ལྷ་དང་འདྲ་བའི་སྤྱོད་ཡུལ་མ་ཡིན་པས། མཚམས་བཅད་ཅིང་། མ་འདྲེས་པ་གསལ་བར
65a4 བྱ་བ་ནི་གསང་སྔགས་ཀྱི་ཡང་སྙིང་ཡིན་པར་གསུངས་སོ།། ངག་གི་དབང་པོ་ཕྱོགས་བཅུའི་སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཡང་སྨོན་ལམ་གྱི་སངས་རྒྱས་དང་། སྨོན་ལམ་གྱི་བྱང་ཆུབ་སེམས
65a5 དཔའ་རྣམས་ཐུགས་རྗེ་ཆེའོ།། ཡེ་ཤེས་ཀྱི་ལྷའི་ནང་ནས་ཀྱང་བསྒྲུབ་ཐག་ཉེ་བའི་སྲས་བརྒྱད་དང་། ཡབ་ཡུམ་སེམས་དཔའ་རྣམ་གཉིས་ཀྱི་སྤྲུལ་པ་ཁྲོ་བོ་བཅུ་ཉེ་སྟེ། གང་ཞིག་ཁྲོ་བོ་བཅུའི་རུས་དང་། མིང་དང་།
65a6 སྔགས་དང་། ཕྱག་རྒྱ་ཅི་སྨོས་ཀྱི། ཁྲོ་བོ་གཅིག་གི་རྗེས་སུ་གཞོལ་ན་ཡང་བཅུ་པོ་ཀུན་བསྒོམ་ཞིང་བསྒྲུབ་པ་དང་འདྲ་བར་དེའི་རེ་བ་སྐོང་བར་མཛད་དོ།། ཁྲོ་བོ་འདི་རྣམས་འཕགས་པ་ཐམས་ཅད་ཀྱི་ནང་ནས་ཐུགས་རྗེ
iiif viewer powered by OpenSeadragon
