| e-texts navigator |
| Wylie |
64b1 འཕྲོག་དང་བརྙས་ཚད་ཐ་ན་ཡི་གེ་དང་། དམ་ཚིག་ལ་སོགས་པ་ལ་དཔྱ་བའི་སྒོ་རྣམ་པ་སྣ་ཚོགས་པར་འདོགས་པ་རྣམས་ནི་བསལ་ཞིང་སྤང་བར་ལུང་ལས་གསུངས་ཏེ། དེའི་ཕྱིར་ཆོས་སྐྱེ་བ་མེད་པ་ཡིན་ཀྱང་། གྲོང
64b2 དང་འདུ་འཛི་ལས་དཔག་ཚད་དང་རྒྱང་གྲགས་ཟག་རིང་བ་བཙལ་བ་དང་། དབེན་ཞིང་འགོལ་བའི་གནས་བཙལ་བ་དང་། ཐུགས་ཡེ་ཤེས་ལ་རྣམ་རྟོག་མེད་ཀྱང་ལོག་པ་ལུང་དུ་མ་བསྟན་པས། བཀྲ་ཤིས་པའི
64b3 གནས་གཞུང་ལས་འབྱུང་བ་བཞིན་དུ་བཙལ་བ་དང་། ཆོས་མཉན་པ་ལ་རིས་མེད་ན་ཡང་། བླུན་པོ་ཐོག་རྫིས་དང་བཀྲེས་ཕོངས་ཀྱི་ནང་ཚངས་འབྱུང་བས་ཐོ་དང་མཚམས་བཅད་པ་དང་དུས་དང་གནས་གསང་བ
64b4 དང་། དོན་ཟབ་མོ་ཀུན་གྱིས་ཐུན་མོང་མ་ཡིན་པས་གཞུང་དང་མཐུན་པ་དང་། རིགས་རྒྱུད་བཟང་བ་དང་སྣོད་དང་ལྡན་པའི་གྲོགས་བཙལ་བ་དང་། ནང་རྟགས་དང་མཚན་མ་མ་ཐོབ་ཀྱི་བར་མི་བཏང་བའི་ཕྱིར། དད
64b5 པ་དང་འབྱོར་པ་ཆེར་དཔག་པ་དང་། བར་ཆོད་དང་ཡེ་འདྲོག་གིས་མི་ཚུགས་པར་བྱ་བའི་ཕྱིར། སྐྱོན་དང་མི་མཐུན་པའི་འཚོ་བ་སྤངས་ཏེ། ཏིང་ངེ་འཛིན་ཁང་བཅད་དེ་ལེ་ལོ་མེད་པའི་བརྩོན་འགྲུས་ཀྱིས་ཟང་ཆས
64b6 གསུངས་ཏེ་འདི་སྐད་དོ།། རྣལ་འབྱོར་གསང་བའི་དོན་མཆོག་འདི།། སྐལ་ལྡན་རྣམས་ལས་མ་གཏོགས་པར།། སྐལ་མེད་ཤེས་རབ་ཞན་པ་དང་།། སྣོད་ངན་ཐོས་ན་འཇིགས་ཤིང་སྐྲག། ངེས་པའི་དོན་ལས་གང་ལོག
iiif viewer powered by OpenSeadragon
