| e-texts navigator |
| Wylie |
63a1 སྣང་རྒྱ་གྲམ་སྤྲིན་ཕུང་གཏིབས།། རྒྱ་གྲམ་ཚ་ཚ་སྐར་ལྟར་འཕྲོ།། ཕྱོགས་མཚམས་རྒྱ་གྲམ་གཏམས་པ་ལ།། རྒྱ་གྲམ་བསྐལ་པའི་མེ་ཆེན་འབར།། རླུང་ཡང་རྒྱུ་བའི་སྐབས་མེད་པས།། རྒྱ་གྲམ་མཚམས
63a2 ལས་མ་འདའ་ཞིག། འདས་ན་ལྷ་ཡང་བརླག་འགྱུར་ཏེ།། གདོན་བགེགས་འདས་པ་སྨོས་ཅི་དགོས།། ཨོཾ་ཛི་ན་བཛྲ་ཛི་ན་བཛྲ་ཧཱུཾ་ཕཊ། སྟེང་ཡང་དབྱུག་ཏོའི་བླ་རེ་ལ།། དབྱུག་ཏོའི་ཐོག་དང་སེར་ལྟར་འགྲིལ།། འོག
63a3 ཀྱང་དབྱུག་ཏོའི་ས་གཞི་ལ།། ས་གཞི་དབྱུག་ཏོའི་བཅལ་དུ་བཀྲམ།། བར་སྣང་དབྱུག་ཏོ་སྤྲིན་ལྟར་གཏིབས།། དབྱུག་ཏོའི་ཚྭ་ཚ་སྐར་ལྟར་འཁྲུགས།། ཕྱོགས་མཚམས་དབྱུག་ཏོས་གཏམས་པ་ལ།། དབྱུག་ཏོའི་བསྐལ
63a4 པའི་མེ་ཆེན་འབར།། རླུང་ཡང་རྒྱུ་བའི་སྐབས་མེད་ན།། དབྱུག་ཏོའི་མཚམས་ལས་མ་འདའ་ཞིག། འདས་ན་ལྷ་ཡང་བརླག་པར་འགྱུར།། གདོན་བགེགས་འདས་པ་སྨོས་ཅི་དགོས།། ཨོཾ་བཛྲ་མོ་ཏི་བཾ་ཧཱུཾ་ཕཊ། ཞེས
63a5 ཕུར་པ་དང་མཚོན་ཆའི་ཚོགས་གྲངས་མེད་པ་འཕྲོས་པས། བར་དུ་གཅོད་པའི་བདུད་དེ་དག་ཐམས་ཅད་ཨ་རྫ་ཀའི་དོག་བུ་ལ། ཏིལ་མར་གྱིས་བརྒྱབ་པ་བཞིན་དུ། མགོ་ཚལ་པ་བརྒྱར་གས་པར་གྱུར་ཏོ།། དེ་ནས
63a6 ཡང་རྡོ་རྗེ་འཛིན་པས་སྡང་བའི་དགྲ་བསྒྲལ་བ་དང་། ཐུགས་རྗེས་སེམས་ཅན་གསོ་བའི་ཕྱིར། ཁྲོ་བོ་རྡོ་རྗེ་གུ་ལང་གི་བསད་གསོ་འདི་སྐད་གསུངས་སོ།། ཡ་ཐ་ཚངས་པའི་གནས་བཞི་དང་།། སྲིད་པའི་རྩེ་མོ་མན་ཆད
iiif viewer powered by OpenSeadragon
