| e-texts navigator |
| Wylie |
62a1 བཀའ་ལས་འདས་གྱུར་ན།། རྡོ་རྗེ་འཆང་གི་རྒྱལ་ཁྲོས་པས།། མཁར་ལ་ཆར་བཞིན་ཕབ་པས་ནི།། བརྒྱད་ཁྲི་བཞི་སྟོང་གདོན་རྣམས་ཀུན།། ལུས་ཀྱང་དུམ་བུ་བརྒྱར་གས་ནས།། མགོ་ཡང་ཚལ་པ་ཚལ
62a2 པར་གཤོག། སྙིང་ཡང་ཆུ་སེར་ཕྱེ་མ་བཞིན།། ཞིག་པར་གྱུར་ཡང་གདོན་མི་ཟ།། སྐྱེ་བ་རྣམ་བཞི་ལྷན་ཅིག་ཀྱང་།། འགྲོ་རིས་དྲུག་པོ་སོ་སོར་སྒྲོལ།། མི་མ་ཡིན་ལ་སོགས་པ་ཡང་།། རང་རང་གནས་སུ་བདེ་བར
62a3 དེངས།། དུས་གསུམ་རྒྱལ་བའི་བཀའ་ལས་མ་འདའ་ཞིག། ཞེས་སུམ་བྷ་ནིའི་སྔགས་བརྗོད་པས།། བགེགས་ཐམས་ཅད་རས་བལ་རླུང་གིས་གཏོར་བ་བཞིན་དུ་གྱུར་ཏོ།། དེ་ནས་རྡོ་རྗེ་འཛིན་པས་འཇིགས་པའི
62a4 མཚོན་ཆ་རྣམ་པ་སྣ་ཚོགས་པ་ལས་ཐོ་བ་དང་ཚ་ཚ་དང་། མེ་རི་འབར་བའི་གུར་ཐབས་སུ་གྱུར་ནས་རླུང་ཙམ་ཡང་རྒྱུ་བའི་སྐབས་མེད་པས་འདི་སྐད་དོ།། ང་ཡི་དཀྱིལ་འཁོར་བརྟན་བྱའི་ཕྱིར། ཁྲོ་རྒྱལ་བྱིན་གྱིས
62a5 བརླབས་ལས་བྱུང་།། མཚོན་ཆ་རྣམ་པ་སྣ་ཚོགས་ཀྱིས།། དཀྱིལ་འཁོར་རིམ་པའི་ཚུལ་བཞིན་སྲུང་།། སྟེང་ཡང་རྡོ་རྗེའི་བླ་རེ་སྟེ།། རྡོ་རྗེའི་ཐོག་ཐོག་སེར་ལྟར་འགྲིལ།། འོག་ཀྱང་རྡོ་རྗེའི་ས་གཞི་སྟེ།། ས་གཞི་རྡོ་རྗེས
62a6 གཅལ་དུ་བཀྲམ།། བར་སྣང་རྡོ་རྗེས་སྤྲིན་ལྟར་གཏིབས།། རྡོ་རྗེའི་ཚ་ཚ་སྐར་ལྟར་འཁྲུགས།། ཕྱོགས་མཚམས་རྡོ་རྗེས་གཏམས་པ་ལས།། རྡོ་རྗེའི་བསྐལ་པའི་མེ་ཆེན་འབར།། རླུང་ཡང་རྒྱུ་བའི་སྐབས་མེད་པས།།
iiif viewer powered by OpenSeadragon
