| e-texts navigator |
| Wylie |
61b1 ནས་གདོན་གྱི་རིགས་བརྒྱད་ཁྲི་བཞི་སྟོང་དང་། སུམ་བརྒྱ་དྲུག་ཅུ་དང་། གདོན་ཆེན་པོ་བཅོ་བརྒྱད་དང་། ཕལ་པ་བཅུ་དང་། རིགས་ཆེན་པོ་བཞི་ལ་སོགས་པའི་གདོན་ཐམས་ཅད་དམ་ལ་ཐོགས་པ་ལས། ངག་གི
61b2 དབང་ཕྱུག་གིས་བཅོམ་ལྡན་འདས་ཞེ་སྡང་འཛིན་པ་ལ་བགེགས་འདི་རྣམས་མ་ཁྲོམ་པས། ཁྲོ་བོ་བཅུའི་དགོངས་པ་དང་མི་ལྡན་པས་རྣལ་འབྱོར་ལ་བར་དུ་གཅོད་པས་དེའི་དགྲ་བགེགས་ལ་ཐབས་ཅི་མངའ་བ་བསྟན
61b3 དུ་གསོལ་པ་ལ། ཞེ་སྡང་རྡོ་རྗེ་འཛིན་པས་བཀའ་སྩལ་པ། བགེགས་འདི་དག་ནི་རྣམ་པར་སྨིན་པའི་བགེགས་ཡིན་ཏེ་དེ་ནི་སོ་སོའི་ལས་མ་རྟོགས་པ་ཡིན། གསང་བའི་དགོངས་པ་ཆེན་པོ་འདིར་ནི་ལས་དང་རྣམ་པར
61b4 སྨིན་པ་ཡང་ག་ལ་འབྱུང་གི། ཐབས་ཆེན་བླ་ན་མེད་པའི་ལམ་རྙེད་པས་འཇིགས་ཤིང་འཛེམ་དགོས་མེད་པའི་ཕྱིར་དཔེར་ན་གངས་ཀྱི་སེང་ཕྲུག་སྐྱེས་པ་གཅན་གཟན་གྱིས་མི་འཇིགས་པ་བཞིན་ནོ།། གོང་མ་ལྟར་མ
61b5 གྲུབ་པས་ཀྱང་དོན་འདི་ལྟར་མ་གྱུར་ན་ཡང་མཚོན་ཆ་འབར་བའི་མཚམས་འདིས་ཀྱང་གང་ཡང་མི་ཆོད་པ་མེད་དེ་བདག་ཉིད་ཆེན་པོ་བརྗིད་པ་དང་ཆས་པས་འདི་སྐད་གསུངས་སོ།། ཧཱུཾ། ཡང་དག་གསང་བའི་དཀྱིལ
61b6 འཁོར་དུ།། སྤྱན་དྲངས་གཤེགས་སུ་གསོལ་བ་དང་།། རྣལ་འབྱོར་དམ་ཅན་སོ་སོར་གནས།། འདུས་པའི་འཁོར་ལས་མ་གཏོགས་པ།། ཀུན་ཀྱང་རེ་བ་བསྐངས་ཟིན་པས།། ད་ལྟ་ཉིད་དུ་སོ་སོར་དེངས།། གལ་ཏེ
iiif viewer powered by OpenSeadragon
