| e-texts navigator |
| Wylie |
61a1 དག་ཚིག་བྱས་ནས།། ཕྱོགས་བཅུར་རབ་ཏུ་འཕྲོ་བར་འགྱུར།། ཕྱོགས་མཚམས་ཕུར་པས་བཏབ་ནས་ནི།། སྟེང་འོག་ཡང་དག་བྱིན་གྱིས་བརླབས།། འབར་བའི་འཕྲོ་འདུ་འཁྲུགས་པ་ཡིས།། རྡུལ་ཆ
61a2 ཙམ་ཡང་མེད་པར་བསྲེག། ཛྭ་ལ་རཾ་ཛ་ལ་རཾ་ཞེས་བརྗོད་པས། ཁྲོ་བོ་ཐམས་ཅད་ཀྱི་སྐུ་ལས་མེ་དཔུང་ཆེན་པོ་དུས་ཐ་མའི་བསྐལ་པའི་མེ་འབར་བ་ལྟར་ཤིན་ཏུ་མཆེད་པས་ཁྱུང་གི་སྒོ་ངའི་སྦུབས་སུ་ཞུགས་པའམ། རྡོ
61a3 རྗེའི་གུར་ཐབས་སུ་ཕུབ་པ་ལས། མེ་རི་འདབ་འབྱོར་དུ་གྱུར་པས། སྲིད་པ་གསུམ་གྱི་དངོས་པོ་ཡང་དུས་གཅིག་ཏུ་ཚིག་ན་གཞན་བར་དུ་གཅོད་པའི་བགེགས་ལྟ་ཅི་སྨོས་ཀྱི་རབ་ཏུ་འབར་བའི་སྲེག་པའི་མེ་དཔུང་དུ
61a4 གྱུར་ཏོ།། དེ་ནས་ཞེ་སྡང་རྡོ་རྗེ་འཛིན་པས་ཉིད་ལ་ཉིད་དམ་པའི་ཚིག་འདི་སྐད་དོ།། ཕྱོགས་བཅུའི་སངས་རྒྱས་ཐམས་ཅད་ཀྱི།། སྐུ་ཡི་སྲས་སུ་བདག་བསྐྱེད་ནས།། གསུང་མཆོག་ཡིག་འབྲུར་དབང་བསྐུར
61a5 ཏེ།། ཐུགས་ཀྱི་དབྱིག་ཏུ་བདག་བསྐྱེད་པས།། རྣམ་རྟོག་བདུད་ནི་མིང་ཡང་མེད།། རྒྱལ་བའི་དཀྱིལ་འཁོར་ཆེན་པོ་འདིར།། དུས་གསུམ་རྒྱལ་བ་བཞུགས་པའི་གནས།། རྣལ་འབྱོར་དགོངས་པ་མཐར་ཕྱིན
61a6 པའོ།། ཞེས་རོལ་པ་བསྐྱེད་དོ།། དེ་ལྟར་བསྟན་པས་ཕྱི་ནང་གི་ཆོས་ཐམས་ཅད་དང་སེམས་ཅན་ཐམས་ཅད་ཁྲོ་བོ་བཅུ་ཡིས་དོན་མ་མཛད་པ་དང་ཁྲོ་བོ་བཅུའི་རང་བཞིན་དུ་སངས་མ་རྒྱས་པ་གང་ཡང་མེད་དོ།། དེ
iiif viewer powered by OpenSeadragon
