| e-texts navigator |
| Wylie |
60a1 བཞིན་དུ་ཐོ་བ་དང་ལྕགས་ཀྱུ་བླངས་ཏེ། བཀའ་ཚིག་འདི་སྐད་ཅེས་བརྗོད་དོ།། ཧཱུཾ། ཁྲོ་བོའི་རྒྱལ་པོ་འདི་དག་གིས།། བགེགས་ཀུན་བཀུག་ནས་རྣམ་པར་འཇིག། བློ་ལྡན་རབ་ཏུ་འབྱོར་པ་ཡིས།། ཆོ་ག
60a2 བཞིན་དུ་ཕུར་ཀུན་བཏབ།། རྡོ་རྗེ་བདུད་རྩི་འཁྱིལ་པ་ཡིས།། རྡོ་རྗེ་ཕུར་བུ་ཉིད་གནས་པ།། ཨུཏྤལ་སྔོན་པོའི་མདོག་འདྲ་བ།། འབར་བའི་ཕྲེང་བ་འཁྲིགས་པའི་འོད།། ལྟེ་བ་མན་ཆད་ཆས་རྣམས་ནི།། ཕུར་རྩེ་ལྟ་བུར
60a3 རྣམ་པར་བསྒོམ།། རོ་སྟོད་ཁྲོ་བོ་ལྟ་བུ་ཉིད།། ཞལ་གསུམ་ཕྱག་ཀྱང་དྲུག་པ་སྟེ།། བགེགས་ཀྱི་ཚོགས་ལ་འོག་ཏུ་གཟུག། དེ་ཡི་སྔགས་ནི་བརྗོད་བྱ་སྟེ།། རྡོ་རྗེ་ཕུར་པ་དེས་བཏབ་ནས།། བགེགས་ལུས་གཞན་དུ་མི
60a4 གཡོ་བའོ།། ཨོཾ་གྷ་གྷ་གྷཱ་ཏ་ཡ་སརྦ་དུཥྚཱཾ་ཧཱུཾ་ཕཊ། ཀཱི་ལ་ཡ་ཀཱི་ལ་ཡ་སརྦ་བིགྷྣཱཾ་ཧཱུཾ་ཕཊ། ཧཱུཾ་ཧཱུཾ་ཧཱུཾ་བཛྲ་ཀཱི་ལ་ཡ་བཛྲ་དྷ་ར་ཨཱཛྙཱ་པ་ཡ་ཏི་ཀཱ་ཡ་ཝཱ་ཀ་ཙིཏྟ་བཛྲ་ཀཱི་ལ་ཡ་ཧཱུཾ་ཕཊ། ཞེས་བརྗོད་ནས། ཁྲོ་བོ་གཤིན་རྗེའི་གཤེད
60a5 ལྕགས་ཀྱུས་སྐེད་པ་ནས་བཟུང་ནས། ཟོར་ཚུགས་ཀྱི་སྟེང་དུ་ཐོ་བ་བརྒྱབ་པས་སྨད་ལྕགས་ཀྱི་ཕུར་པ་ཉི་མའི་སྟེང་དུ་ཐལ་བྱུང་ནས། བརྒྱ་བྱིན་ཕོ་མོ་དང་དྲི་ཟ་ལ་སོགས་པའི་བགེགས་ཐམས་ཅད་ཀྱི་སྙིང་ལ་ཟུག་པར
60a6 གྱུར་ཏོ།། དེ་བཞིན་དུ་ཕྱོགས་མཚམས་སྟེང་འོག་བཅུར་བཏབ་ནས་ཐོ་བ་དང་ལྕགས་ཀྱུ་ཞེ་སྡང་རྡོ་རྗེ་ལ་གཏད། སླར་ཡང་བྱང་གི་ཕྱོགས་སུ་གོང་བཞིན་དུ་འཁོད་པ་ལས། ཡང་ཞེ་སྡང་རྡོ་རྗེས་ཧཱུཾ་ཀཱ་ར་ལ་བཀའ་སྩལ
iiif viewer powered by OpenSeadragon
