| e-texts navigator |
| Wylie |
58b1 ཀློསློང་དག་པ་འདིར།། ལོག་པར་འཛིན་པའི་ཕྱོགས་སྐྱོང་བགེགས་འཁོར་འདུས།། དྲེགས་པ་བཏུལ་ནས་རིམ་བཞིན་བཏིང་ལགས་པས།། འབར་བའི་སྐུ་ལས་དཀྱིལ་འཁོར་བསྐྱེད་དུ་གསོལ།། ཞེས་བརྗོད་ནས་ཧཱུཾ་ཀ
58b2 རའི་ཐུགས་ཀར་ཐིམ་མོ།། ཧཱུཾ་ཀ་རས་ཀྱང་ཐོ་བ་དང་ལྕགས་ཀྱུ་ཞེ་སྡང་རྡོ་རྗེ་ལ་ཕུལ་ཏེ། གང་ན་བཏིང་ལགས་སོ་ཞེ་སྡང་རྡོ་རྗེ་ཁྲོ་རྒྱལ་གཙོ།། ཞེ་སྡང་རྡོ་རྗེ་ཐུགས་ཀྱི་དཀྱིལ་འཁོར་ནས། ཁྲོ་བོ་རྔམ་ཆེན་དྲག་པོ་སྤྲུལ
58b3 པའི་སྐུ།། ཤིན་ཏུ་མི་བཟད་འཇིགས་པའི་མཚོན་ཆ་ཅན།། འཇིགས་བྱེད་ཡུམ་རྣམས་མི་མངོན་སྦས་པ་ནི།། གསང་བའི་དཀྱིལ་འཁོར་འོད་ཀྱི་དཀྱིལ་འཁོར་ནས།། གདན་གྱི་སྟེང་དུ་དྲི་མེད་འོད་གསལ་བའི།། ཉི་མའི
58b4 དཀྱིལ་འཁོར་གདན་ལ་བཞུགས་སུ་གསོལ།། ཞེས་བརྗོད་ནས། ཞེ་སྡང་རྡོ་རྗེའི་ཐུགས་ཀར་ཐིམ་མོ།། དེ་ནས་ཞེ་སྡང་རྡོ་རྗེས། ཐུགས་ཆོས་ཉིད་ལས་མ་གཡོས་པས། མི་ཕམ་ཁྲོ་གཉེར་རོ་ལངས་རལ་གཅིག་མ་ལ
58b5 སོགས་པའི་ཁྲོ་མོ་བཅུ་པོ་ཐམས་ཅད་རྒྱུ་མ་ནོར་བ་རྩ་བའི་སྙིང་པོ་ཡི་གེ་མ་བཅུར་ཕྱུང་། འཕྲོ་འདུ་རྣམ་པ་གསུམ་ལས་མ་སཨཱརྱ་མཎྜ་ལ་ཞེས་པའི་སྔགས་ཀྱིས་བྱིན་གྱིས་བརླབས་པས། ཁྲོ་མོ་བཅུ་ཡང་ཉི་མའི་དཀྱིལ
58b6 འཁོར་བཅུ་ཐམ་པར་གྱུར་ཏེ། ཕྱོགས་བཞི་མཚམས་བཞི་བརྒྱད་དང་བླ་འོག་བཅུར་ཕྱོགས་སྐྱོང་བསྒྱེལ་བའི་སྟེང་དུ། རིན་པོ་ཆེ་གཅལ་དུ་སྤུངས་པའི་སྟེང་དུ། འཕྲུལ་གྱི་མེ་ལོང་ཕྱིས་པ་བཞག་པ་བཞིན་དུ་ལྷང་ངེ་ལྷན
iiif viewer powered by OpenSeadragon
