| e-texts navigator |
| Wylie |
58a1 བོ་འཛུམ་གྱི་ཕྱག་རྒྱ་བཅས་ཏེ། ཧཱུཾ་ཧཱུཾ་ཞེས་བྱ་བ་བའི་སྒྲ་བརྗོད་ནས། ཆོམ་པོ་སྒོ་ལ་རྒོལ་བ་བཞིན་དུ་སུམ་བྷ་ནི་རྡོ་རྗེ་སྡེར་མོའི་སྔགས་བརྗོད་པས་ལྕགས་ཀྱུས་དབང་ལྡན་ཕོ་མོའི་སྙིང་ག་ནས་བཟུང
58a2 ནས་ཐོ་བས་འབྲོས་མི་ནུས་པར་ལྷན་ནེ་ལྷན་ནེ་བརྡུངས་པས་འཁོར་གྱི་བགེགས་ཐམས་ཅད་ཧད་སྐྲག་སྟེ། དུས་ཆེན་པོ་བྱུང་བ་ཡིན་ནོ་ཞེས་འཛེར་ཞིང་གཅེར་བུ་ལོ་འཕོས་པའི་ལྷ་རྒོད་དྲག་པོ་བཞིན་དུ་འདར་ཧད་དེ
58a3 གནས་པ་ལས། གྱད་ཆེན་པོས་སྡོང་རོ་མང་པོ་བསྒྱུར་བ་བཞིན་དུ། འཁོར་གྱི་བགེགས་མང་པོ་ཐམས་ཅད་འགྱེལ་ཏེ། གཡས་ནས་ཀྱང་ལིང་ལིང་གཡོན་ནས་ཀྱང་ལིང་ལིང་མང་པོ་སྤུངས་ཏེ། དཔེར་ན་རྒས་པའི་སྡོང
58a4 རོ་མང་པོ་སྤུངས་པ་བཞིན་དུའོ།། དེའི་སྟེང་དུ་བཤན་པས་ཁོག་པ་བརྩེགས་པ་བཞིན་དུ། བགེགས་ཀྱི་རོ་མང་པོ་སྤུངས་པའི་སྟེང་དུ། དབང་ལྡན་ཕོ་མོ་སྤྱི་བཅིངས་སུ་བྱས་ཏེ་ཕྱག་རྒྱ་ཆེན་པོ་བཞིས་མི་ཤོར་བར་དམ
58a5 དུ་བཅིངས་ཏེ། སྔོན་གྱི་དམ་ཚིག་རྗེས་སུ་དྲན། འགྱོད་གནོང་གི་སྨྲེ་སྔགས་འདོན། ཕྱིས་བཀའ་མི་བསླུ་བར་དམ་དང་དམོད་བཅས་ཤིང་གནས་སོ།། དེ་བཞིན་དུ་ཕྱོགས་བཞི་མཚམས་བརྒྱད་སྟེང་འོག་གི། ཕྱོགས
58a6 སྐྱོང་བཅུའི་འཁོར་གྱི་གདོན་ཐམས་ཅད་སྤུངས་པའི་སྟེང་དུ། ཕྱོགས་སྐྱོང་ཕོ་མོ་སྤྱི་བཅིངས་སུ་བསྒྱེལ་ནས། གོང་མ་དེ་ཁོ་ན་བཞིན་བཀོད་ནས། ཐོ་བ་ལྕགས་ཀྱུ་སླར་ཧཱུཾ་ཀཱ་ར་ལ་གཏད་ནས། འབྱུང་བ་ལྔ་ཡི་མཁའ
iiif viewer powered by OpenSeadragon
