| e-texts navigator |
| Wylie |
56a1 རྗེས་ཧཱུཾ་ཧཱུཾ་ཧཱུཾ་བཛྲ་དྷྲྀཀ་ཧཱུཾ་ཞེས་བསྐུལ་བས། ཆོས་ཉིད་ཀྱི་ངང་ལས་ཏིང་ངེ་འཛིན་རྣམ་གསུམ་གྱིས་རྒུད་སྦྱངས་པས། བཅོམ་ལྡན་འདས་ཞེ་སྡང་ཐམས་ཅད་འདུས་པའི་གཙོ་བོ་རྡོ་རྗེ་འཛིན། ཞལ་གསུམ
56a2 ཕྱག་དྲུག་ཞབས་སེམས་དཔའི་སྐྱིལ་མོ་ཀྲུང་དུ་བཞུགས་པ། ཕྱག་གཡས་རྡོ་རྗེ་དང་རིན་པོ་ཆེ་དང་འཁོར་ལོ་བསྣམས་པ། གཡོན་དྲིལ་བུ་དང་པདྨ་རལ་གྲི་བསྣམས་པ། གཡས་དཀར་གཡོན་དམར་དབུས་མཐིང་། སྐུ
56a3 ཞི་ཁྲོ་ཕྱེད་མ་ལས་ཡིད་ཙམ་ཁྲོ་བག་ཏུ་བཞུགས་པ། སྐུ་གསུང་ཐུགས་རྡོ་རྗེ་ལྟ་བུའི་བྱིན་གྱི་བརླབས་དང་ལྡན་པ། ཆེ་བའི་ཡོན་ཏན་ལ་སོགས་པའི་མགྲོན་མང་པོས་བརྒྱན་ཏེ། དང་པོ་རཾ་ཡཾ་ཁཾ་གིས་བསྲེགས་སྦྱངས
56a4 བྱས་ཏེ། ཉིད་ལ་ཉིད་ཀྱིས་འདི་སྐད་ཅེས་གསུངས་ཏེ། ཧཱུཾ་ཞེ་སྡང་རྡོ་རྗེ་ཁྲོ་རྒྱལ་གཙོ།། མགོན་པོ་སངས་རྒྱས་ཀུན་གྱི་དངོས།། ཐམས་ཅད་དབྱིངས་སུ་འདུལ་བའི་གཙོ།། རྒྱལ་བ་རྣམས་ཀྱི་སྲས་སུ་བསྔགས།། ཞབས
56a5 གཉིས་སེམས་དཔའི་སྐྱིལ་ཀྲུང་གིས།། འཇམ་པའི་སྟན་ལ་འདུག་ནས་ནི།། ཞེ་སྡང་རྡོ་རྗེའི་ཏིང་འཛིན་གྱིས།། གནས་རྣམས་བསྲུང་ཕྱིར་རྣམ་པར་བརྗིད།། ཅེས་བརྗོད་པས་དེའི་སྐུ་གཟི་བརྗིད་དང་ལྡན་པ་འཇིག་རྟེན
56a6 པའི་ཕྱོགས་སྐྱོང་དང་བདུང་དང་བགེགས་རྣམས་ཀྱིས་མཐོང་ནས། དེ་རྣམས་རི་དྭགས་རྫི་ཚོར་བ་བཞིན་དུ་རྦས་རོང་ངེ་གནས་སོ།། དེ་ནས་ཞེ་སྡང་འདུལ་པའི་ཁྲོ་བོས་ཐུགས་ཀ་ནས་ཉི་མའི་དཀྱིལ་འཁོར་གྱི་སྟེང་དུ
iiif viewer powered by OpenSeadragon
