| e-texts navigator |
| Wylie |
52b1 དང་སྲིན་པོ་ཕོ་མོ་མང་པོ་ས་བདག་ཕག་ཆེན་པོ་དང་། ཆུང་མ་སའི་ལྷ་མོ་བརྟན་མ་ལ་སྐྱབས་བཙལ་ནས་འོག་ནས་གནོད་པ་བྱེད་པ་གོང་མ་བཞིན་ནོ།། སྟེང་གི་ཕྱོགས་ནས་གཟའ་སྐར་གྱི་གདོན་མང་པོ་དང་ཡ་བདུད
52b2 ཕོ་མོ་འཇིག་རྟེན་གྱི་བསོད་ནམས་ཕྱོགས་རིས་ལ་སྤྱད་པའི་ཉི་མ་དང་ཟླ་བ་དང་། ཆུང་མ་ཉི་མོ་དང་ཟླ་མོ་སྐྱབས་དང་རྒྱབ་བརྟེན་དང་རྗེ་བོར་བཟུང་ནས་སྟེང་གི་ཕྱོགས་ནས་སེམས་ཅན་ཐམས་ཅད་འཇོམས་ཤིང་འཚེ
52b3 བ་དང་གནོད་ཅིང་འཚེ་བ་དང་རྣལ་འབྱོར་པ་ཐམས་ཅད་ལ་ཉམས་ལེན་ཞིང་བར་དུ་གཅོད་པ་དང་། གནས་འཕྲོག་མ་དང་། བསམ་པ་མི་འགྲུབ་པར་བྱེད་ཅིང་འཁོད་པ་ལས། བྱང་ཆུབ་ཆེན་པོ་ངག་གི་དབང
52b4 ཕྱུག་གིས་བཅོམ་ལྡན་འདས་བྱང་ཆུབ་ཀྱི་སེམས་རྡོ་རྗེ་ལ་ལུས་ཞིང་གི་རྡུལ་སྙེད་དུ་སྤྲུལ་ནས། ཕྱི་ནང་གསང་བའི་མཆོད་པས་མཆོད་ནས་འདི་སྐད་གསོལ་ཏོ།། ཨེ་མ་ཧོ་བཅོམ་ལྡན་འདས། འཇིག་རྟེན་གྱི་ཁམས་འདི
52b5 དག་ན། བགེགས་དང་ཕྱོགས་སྐྱོང་བ་རྣམས་རྣལ་འབྱོར་པ་དང་སེམས་ཅན་རྣམས་ལ་མ་རུངས་པར་བགྱིད་ན། དེ་དག་གང་གིས་གདུལ་བའི་དུས་ལ་བབ་པ་ལགས། བཅོམ་ལྡན་འདས་ཀྱིས་བཀའ་སྩལ་པ། འདི་ནི
52b6 བསོད་ནམས་དྲེགས་ཤིང་ལོག་པར་སྤྱོད་པའི་མཐུ་བརྟས་པས། རབ་ཏུ་གདུལ་དཀའ་བ་ལས། གང་གིས་ཀྱང་མི་ཐུབ་པས་འདི་འདུལ་བའི་ཐབས་ནི། སྟོན་པ་ཞེ་སྡང་རྡོ་རྗེ་འཛིན་གྱི་ཐུགས་ལ་ཁྲོ་བོ་ཡབ་ཡུམ་བཅུ
iiif viewer powered by OpenSeadragon
