| e-texts navigator |
| Wylie |
51b1 ཀྱི་བསམ་པ་མི་འགྲུབ་ཅིང་། ལོག་པའི་བདུད་དེ་དག་ཀྱང་དེའི་གྲོགས་བྱེད་པ་དང་། བགེགས་དང་བར་ཆོད་བྱེད་པའི་རིགས་ལས་ཀྱང་གཞི་བྱ་བར་བྱས་ནས་འབྱུང་པོ་ཕྱིར་ཤ་ཟན་དང་། འབྱུང་པོ་ཁྲག་འཐུང་མང
51b2 པོའི་ཚོགས་བརྒྱད་ཁྲི་བཞི་སྟོང་གི་ཚོགས་དང་བཅས་ནས། རྒྱབ་བརྟེན་དང་འཕྲལ་གྱི་དེད་དཔོན་དུ་འཇིག་རྟེན་གྱི་ང་རྒྱལ་དང་དྲེགས་པའི་བསོད་ནམས་སྤྱོད་པས་གྲུབ་པའི་དབང་ལྡན་བགེགས་ཀྱི་གཙོ་བོ་དང་།
51b3 ཆུང་མ་དབང་ལྡན་དྲག་མོ་དང་བཅས་པ་བཟུང་ནས་བྱང་ཤར་གྱི་མཚམས་ནས་སེམས་ཅན་ཐམས་ཅད་ཀྱི་བདུད་གཅོད་པ་དང་། ཚེ་དང་བསོད་ནམས་དང་སྲོག་ལ་བརྐུ་བ་དང་། རྣལ་འབྱོར་པ་ཆོས་གཞུང་བཞིན
51b4 དུ་སྤྱོད་པ་ལ་གནས་འཕྲོག་པ་དང་། དམ་སྲི་དང་། བར་ཆོད་དང་། བསམ་སྦྱོར་ངན་པ་བྱེད་པ་དང་། དེ་དག་ཀྱང་ཤིན་ཏུ་འདུལ་དཀའ་བ་མི་ཐུལ་ཏེ་གདུལ་དཀའ་བར་གནས་སོ།། དེ་བཞིན་དུ་ལྷ་གདོན་དང་དྲི་ཟའི
51b5 གདོན་གྱི་རིགས་བསམ་གྱིས་མི་ཁྱབ་པའི་རྒྱབ་བརྟེན་དང་། དཀར་པོའི་ཕྱོགས་ལ་དྲེགས་པས་སྤྱོད་པ་བསམ་གྱིས་མི་ཁྱབ་པའི་གདོན་གྱི་རིགས་མང་པོ་དང་། དེད་དཔོན་དུ་ཕྱོགས་སྐྱོང་བའི་བརྒྱ་བྱིན་དང་། ཆུང་མ
51b6 ཨིནྡྲི་བཟུང་ནས་ཤར་ནས་གོང་མ་བཞིན་དུ་བར་གཅོད་བྱེད་དོ།། དེ་བཞིན་དུ་ཤར་ལྷོ་མཚམས་ནས་ཐབ་གདོན་དང་། མེ་ལས་གྱུར་པའི་གདོན་རིགས་མང་པོ་དང་། དེད་དཔོན་དུ་མཚན་མའི་སྦྱིན་སྲེག་གི་ལས་ལས
iiif viewer powered by OpenSeadragon
