| e-texts navigator |
| Wylie |
50b1 ཚིག་སོགས།། ཉམས་པ་ཐམས་ཅད་མཐོ་ལ་བཤགས་མི་འཆབ་བོ།། མི་སྦེད་སླན་ཆད་གཅོད་ཅིང་སྡོམ་པར་བགྱིད།། དུས་གསུམ་བྱས་བསགས་སྡིག་སྒྲིབ་མཐོལ་བཤགས་ན།། ཚངས་པར་མཛད་ནས་སྐུ
50b2 གསུང་ཐུགས་ལ་སོགས།། མཆོག་དང་ཐུན་མོང་དངོས་གྲུབ་སྩལ་དུ་གསོལ།། ཞེས་གསུངས་ནས་འཁོར་རྣམས་རྗེས་སུ་ཡི་རངས་པར་གྱུར་ཏོ།། དྲི་མེད་རྒྱལ་པོ་བཤགས་པའི་རྒྱུད་ལས། ཡོངས་སུ་གཏད་པའི
50b3 བཤགས་པ་དང་རྗེས་སུ་ཡི་རང་བ་སྟེ་ལེའུ་བཅུ་དྲུག་པའོ།། །། དམ་ཚིག་ཐམས་ཅད་ཀྱི་ཉམས་ཆག་སྐོང་བའི་ལུང་། བཤགས་པ་ཐམས་ཅད་ཀྱི་རྒྱུད་དྲི་མ་མེད་པའི་རྒྱལ་པོ་ཞེས་བྱ་བ་རྫོགས་སོ།། །། རྒྱ
50b4 གར་གྱི་མཁན་པོ་བི་མཱ་ལ་མི་ཏྲ་དང་། བོད་ཀྱི་ལོ་ཙཱ་བ་གཉགས་ཛྙཱ་ན་ཀུ་མ་རས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །། དུས་ཕྱིས་ཡི་གེ་རྒྱུན་འཕྲུགས་པས་མ་དག་པ་རྣམས་སྔར་གྱི་དཔེ་ཁུངས་ཐུབ་དག་ལ་གཏུགས་ཤིང་གོང་མའི
50b5 གསུང་རྒྱུན་དང་། གཞུང་དོན་ལ་དཔྱད་དེ་རང་བཟོས་མ་བསླད་པ་དགེ་སློང་མཚོ་སྐྱེས་བཞད་པས་བརྡ་ཚིག་གཉིས་ཀ་དཔྱིས་ཕྱིན་པ་ཞུས་དག་པར་བགྱིས་ཏེ་ཡིད་བརྟན་དུ་རུང་བའི་ཕྱི་མོར་བསྔགས་པ་དགེ་བར་བཀྲ་ཤིས་པར་གྱུར་ཅིག། སླར་ཡང་སྔར་ནས་ཁམས་དང་པོར་ཕྱོགས་ཡིག
50b6 རྒྱུན་སོ་སོར་གྱེས་པས་ཚིག་འབྲུ་འགའ་རེ་ཆད་ལྷག་རྣམས་ཞིབ་པར་བཅོས་ཏེ་ཡིད་བརྟན་དུ་རུང་བར་བགྱིས་པའོ།། །།
iiif viewer powered by OpenSeadragon
