| e-texts navigator |
| Wylie |
49a1 དག་པར་བཤགས་པའོ།། དེ་ནས་དེ་བཞིན་གཤེགས་པ་ལོངས་སྤྱོད་ཀྱི་བདག་པོ་རྣམས་ཀྱིས་འདི་གསུངས་སོ།། རྩ་རྣམས་འགྲོས་ཐིམ་དབྱིབས་ཀྱི་ལམ་དག་པ།། ལུས་ཀྱི་སྒྲིབ་བྱང་བསྐྱེད་རིམ་སྤྲུལ
49a2 པའི་སྐུ།། ཡི་གེའི་འགྲོས་ཐིམ་སྔགས་ཀྱི་ལམ་དག་པ།། ངག་གི་སྒྲིབ་བྱང་རྫོགས་རིམ་ལོངས་སྤྱོད་སྐུ།། བདུད་རྩི་ཁམས་ཀྱི་དངས་མ་བཅུད་ཀྱི་ལམ།། སེམས་ཀྱི་སྒྲིབ་དག་དངས་མ་ཆོས་ཀྱི་སྐུ།། རླུང་གི་འགྲོས་ཐིམ
49a3 མི་ཤིག་རྡོ་རྗེའི་རླུང་།། ལུས་ངག་ཡིད་དག་ངོ་བོ་ཉིད་ཀྱི་སྐུ།། དེ་ལྟར་གནས་པ་མ་རྟོགས་ཀློང་དུ་ནི།། སྐུ་བཞི་རླུང་ལ་ལྷུན་གྲུབ་དང་དུ་བཤགས།། ཞེས་ཐབས་ཀྱི་འབྲས་བུའི་བཤགས་པ་གསུངས་སོ།། དྲི་མེད་རྒྱལ
49a4 པོ་བཤགས་པའི་རྒྱུད་ལས། འབྲས་བུའི་དོན་མ་རྟོགས་པ་བཤགས་པ་སྟེ་ལེའུ་བཅོ་ལྔ་པའོ།། །། དེ་ནས་གསང་བའི་བདག་པོས་ཡོངས་སུ་གཏད་པ་འདི་གསུངས་སོ།། ཨོཾ་སྐུ་གསུང་ཐུགས་ཀྱི་སྤྲུལ་པ་རིགས
49a5 གསུམ་མགོན།། དེ་ལ་གཏད་པས་ཁམས་གསུམ་སྒྲོན་མེ་ཡིན།། རིགས་ལྔ་འཁོར་གྱི་མཁའ་འགྲོ་སྡེ་བཞི་རྣམས།། དེ་ལ་གཏད་པས་གསང་སྔགས་སྲུང་མ་ཡིན།། སྔོན་སྦྱངས་གང་ཟག་ཆོས་ཀྱི་སྤྱན་ལྡན་རྣམས།། དེ
49a6 ལ་གཏད་པས་བསྟན་པ་དར་བ་ཡིན།། གསུངས་པའི་རྒྱུད་ཆེན་ལུང་དང་མཐུན་པར་གཏད།། དེ་ལྟར་མ་བྱས་བཀའ་སྲུང་རྣམས་ལ་བཤགས།། ཞེས་གསུངས་སོ།། དེ་ནས་འཁོར་རྣམས་མཉེས་ནས་སྐུ་གསུང་ཐུགས
iiif viewer powered by OpenSeadragon
