| e-texts navigator |
| Wylie |
48b1 གསལ།། གནས་ཚུལ་མ་རྟོགས་ཐུགས་ལྔའི་ངང་དུ་བཤགས།། རང་རིག་བྱང་ཆུབ་སེམས་ཉིད་ཞིང་ཁམས་ནི།། མནན་ན་ནེམ་ལ་བཏེག་ན་འཕར་ལ་སོགས།། རང་རིག་གཞལ་ཡས་ཁང་སྣང་ཕྱི་ནང་མེད།། རང་རིག
48b2 འོད་ཟེར་སྣང་སྟེ་བ་སྤུ་ཡི།། བུ་ག་རེ་ནས་འོད་ཟེར་དྲུག་ཅུ་འཕྲོ།། རིག་པ་རང་ཉིད་གདན་དུ་སྣང་བ་སྟེ།། འབྲས་བུའི་ཆོས་རྣམས་ཐུགས་སུ་ཆུད་པའི་རྟགས།། རང་རིག་ཉིད་ནི་རྒྱན་དུ་སྣང་བ་སྟེ།། འཁོར་འདས་མ
48b3 སྤངས་ལྷུན་གྱིས་གྲུབ་པ་ཡི།། ཡོན་ཏན་མ་རྟོགས་ཆོས་ཉིད་ངང་དུ་བཤགས།། ཉོན་མོངས་རྣམ་པར་རྟོག་པས་སེམས་ཁེངས་རྣམས།། སངས་རྒྱས་མཛད་པས་རྒྱུད་མཉན་ཞི་བར་མཛད།། རྨོངས་ཞིང་དབུལ་དང
48b4 ཕོངས་པའི་གང་ཟག་རྣམས།། ཤེས་བྱ་ལོངས་སྤྱོད་མཐའ་ཡས་རྒྱས་པར་མཛད།། མི་ཕན་མི་དུལ་གྱོང་བའི་གང་ཟག་རྣམས།། དབང་གི་ལས་ཀྱིས་བསྡུ་ཞིང་འདུལ་བར་མཛད།། ཐུགས་རྗེ་ཐབས་ཀྱིས་མི་འདུལ
48b5 གདུག་པ་རྣམས།། མངོན་སྤྱོད་དྲག་པོས་མཚར་ནི་གཅོད་པར་མཛད།། དེ་ལྟར་མ་རྟོགས་རིགས་རྣམས་བདག་པོའི་ངང་།། ཕྱོགས་རིས་མེད་ཅིང་ལྷུན་གྱིས་གྲུབ་པར་མཛད།། གཅིག་དང་དུ་མའི་ངོ་བོ་ལས་གྲོལ
48b6 བ།། སྤང་ཐོབ་མེད་པར་རང་སྣང་དག་ཏུ་ཐོབ།། ལས་ཀྱི་རང་བཞིན་དངོས་བྱས་ཉེས་པ་ཟད།། གདུལ་བྱ་གཟིགས་པའི་སྐུ་གསུང་ཐུགས་ལ་བཤགས།། ཞེས་སྐུ་གསུང་ཐུགས་ཡོན་ཏན་ཕྲིན་ལས་ལྔའི་སྒོ་ནས་ཡང
iiif viewer powered by OpenSeadragon
