| e-texts navigator |
| Wylie |
48a1 པ་སྟེ་ལེའུ་བཅུ་བཞི་པའོ།། །། དེ་ནས་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་རྣམས་ཀྱིས། འབྲས་བུ་རང་བཞིན་ཡོངས་སུ་དག་པའི་བཤགས་པ་འདི་གསུངས་སོ།། ཨོཾ་སྡང
48a2 སྟོང་ཟུང་འཇུག་སྤྲོས་བྲལ་ཆོས་ཀྱི་སྐུ།། ས་ཐོབ་ཡན་ཆད་ཐེག་ཆེན་ཕལ་རྣམས་ལ།། མཚན་དང་དཔེ་བྱད་སྣང་བ་ལོངས་སྐུ་དང་།། སྦྱོར་ལམ་མན་ཆད་ཀུན་ལ་སྣང་བ་ཡི།། མཛད་པ་ཐ་དད་སྟོན་པ་སྤྲུལ་པའི
48a3 སྐུ།། ཆོས་དང་གཟུགས་སྐུ་དབྱེར་མེད་རྡོ་རྗེའི་སྐུ།། ཡོན་ཏན་མ་བཙལ་ལྷུན་གྲུབ་མངོན་བྱང་སྐུ།། དེ་ལྟར་མ་རྟོགས་སྐུ་ལྔའི་ངང་དུ་བཤགས།། དོན་གསུང་ཆོས་རྣམས་སྐྱེ་མེད་ངང་དུ་གནས།། སྐྱེ་མེད་སྨྲ
48a4 བརྗོད་ཐམས་ཅད་གཞི་རུ་འགྱུར།། རྡོ་རྗེ་གྲག་སྟོང་དབྱེར་མེད་འདུས་མ་བྱས།། མངོན་བྱང་སྒྲ་སྐད་མཐའ་དག་ཐམས་ཅད་ནི།། རང་བྱུང་ཡེ་ཤེས་ངོ་བོ་ཉིད་དུ་གསལ།། ལོངས་སྐུའི་གསུང་ནི་རང་གི་ཡུལ་རྣམས
48a5 ལ།། བརྡ་ཡི་སྒོ་ནས་འཁོར་ལ་གོ་བརྡ་སྤྲོད།། སྤྲུལ་པའི་གསུང་ནི་ཡན་ལག་དྲུག་ཅུར་སྣང་།། གསུང་ལྔ་ཡེ་ནས་སྣང་ཚུལ་མ་རྟོགས་པ།། གསུང་ལྔ་ལྷུན་གྲུབ་ངང་དུ་མཐོལ་ལོ་བཤགས།། སྟོང་ཉིད་ཡེ་ཤེས་དངོས་པོ
48a6 མེད་པར་གསལ།། མེ་ལོང་ཡེ་ཤེས་རྟོག་པ་མེད་པར་ཤར།། མཉམ་ཉིད་ཡེ་ཤེས་བཟང་ངན་མེད་པར་གསལ།། སོར་རྟོག་སྤྱི་དང་རང་མཚན་མ་འདྲེས་གསལ།། བྱ་གྲུབ་བདག་གཞན་དོན་ལ་རྩོལ་མེད
iiif viewer powered by OpenSeadragon
