| e-texts navigator |
| Wylie |
47b1 ཀྱང་།། ཐབས་ཀྱི་རྒྱུད་དང་ཤེས་རབ་རྒྱུད་དག་དང་།། གཉིས་ཀའི་རྒྱུད་ལ་དག་པར་མ་སྦྱངས་པ།། རྡོ་རྗེའི་རྦ་རླབས་ལམ་གསུམ་དང་དུ་བཤགས།། ལུས་ངག་སེམས་དང་ལུས་སེམས་གཉིས་ཀ་ལ།། ཕན་འདོགས
47b2 རང་ལ་གནས་པར་མ་ཤེས་པས།། རྒྱུ་མཐུན་རྣམ་སྨིན་སྐྱེས་བུ་བྱེད་པ་དང་།། དྲི་མ་མེད་པའི་ཡོན་ཏན་མ་ཤེས་པ།། ལྟ་བའི་ཆོས་རྣམས་རྣམ་དག་ངང་དུ་བཤགས།། ལྟ་བ་རང་གནས་ཉམས་སུ་མ་མྱོང་བས།། འཇིག
47b3 རྟེན་འདས་པའི་གྲུབ་མཐའི་རྟགས་མ་ཤར།། བདེ་སྟོང་རྒྱ་ཆེའི་གྲུབ་མཐའ་མ་རྟོགས་པ།། འཁོར་འདས་ཆོས་རྣམས་བདེ་སྟོང་གཅིག་ཏུ་བཤགས།། སྦྱངས་དང་གོམས་དང་ལས་ལ་སྦྱར་དུ་མེད།། མ་རྟོགས་དབང
47b4 གིས་སྦྱངས་གོམས་ལས་མ་སྦྱར།། སྲོག་རྩོལ་རླུང་ལ་གོམས་པར་མ་གྱུར་པ།། འདའ་ཁ་ཕྱག་རྒྱ་ཆེན་པོའི་ངང་དུ་བཤགས།། ཡེ་ཤེས་ཐམས་ཅད་ངོ་བོ་ཉིད་ཀྱི་སྐུ།། མ་སྦྱངས་གནས་ལུགས་དོན་དུ་མ་རྟོགས
47b5 པས།། ལམ་བསྟན་རྡོ་རྗེ་རྦ་རླབས་ལམ་མ་བསྒོམས།། འབྲས་བུ་ངོ་བོ་ཉིད་ཀྱི་སྐུ་རུ་བཤགས།། སྲོག་དང་རྩོལ་བ་ལྔ་ཡི་བདག་ཉིད་ལ།། རྩ་བ་ཕུང་པོ་རྣམ་ཤེས་ཡན་ལག་སོགས།། རླུང་བཅུ་སྲོག་ཤིང་གསུམ་དུ་མ
47b6 རྟོགས་པ།། བདེ་བ་ཆེན་པོའི་དབང་གིས་ཀློང་དུ་བཤགས།། ཞེས་དེ་ཁོ་ན་ཉིད་བདེ་བ་ཆེན་པོའི་དབང་གི་བཤགས་པ་དེ་སྐད་གསུངས་སོ།། དྲི་མེད་རྒྱལ་པོ་བཤགས་པའི་རྒྱུད་ལས། ཐབས་ལམ་དབང་གི་བཤགས
iiif viewer powered by OpenSeadragon
