| e-texts navigator |
| Wylie |
47a1 བདུད་རྩི་རང་ལ་གནས་པ་ལ།། ཡུམ་བདག་འདོད་པའི་བྱིན་རླབས་མཉམ་པ་དང་།། སྦྱོར་བ་དངོས་གཞི་རྗེས་ཀྱི་བསྡུས་རྒྱས་རྣམས།། མ་བསྒོམས་འཁོར་ལོ་ཐབས་ཀྱི་ལམ་དུ་བཤགས།། བདེ་བ་ཡེ
47a2 ནས་རང་ལ་གནས་པ་ལ།། གོ་རིམ་གནས་དང་སྤང་བྱ་ངོ་བོ་ཡི།། བདེ་བ་རྣམ་བཞི་ཉམས་སུ་མ་ལོན་པ།། བདེ་བཞིར་བལྟ་བ་ལྷན་སྐྱེས་ངང་དུ་བཤགས།། བདེ་བ་རང་ལ་གནས་པར་མ་ཤེས་ཤིང་།། སྡུག་བསྔལ
47a3 རྐྱེན་གྱིས་བདེ་བ་མ་བསྒོམས་པས།། བདེ་སྟོང་རྒྱ་ཆུང་གྲུབ་མཐའ་མ་རྟོགས་པ།། ལྷན་ཅིག་སྐྱེས་པ་བདེ་བའི་ངང་དུ་བཤགས།། བདག་ཉིད་རྡོ་རྗེ་སེམས་དཔར་མ་ཤེས་པས།། འཆི་དུས་རང་ཉིད་དེར་སྣང་སྐུར་མ
47a4 གྲུབ།། འཁོར་ལོ་བཞི་ཡི་བདེ་བ་མ་འབྱོངས་པ།། འདའ་ཁ་རྡོ་རྗེ་སེམས་དཔའི་ངང་དུ་བཤགས།། ཡེ་ནས་བདུད་རྩི་ཐིག་ལེ་ཆེན་པོ་ནི།། ཆོས་སྐུ་དྲི་མ་མེད་པར་གནས་པ་ལས།། མ་ཤེས་མ་རྟོགས་བདུད་རྩི་མ་སྦྱངས
47a5 པ།། འབྲས་བུ་ཆོས་ཀྱི་སྐུ་ཡི་ངང་དུ་བཤགས།། དྲི་ཆེན་དྲི་ཆུ་མཱཾ་ས་རཀྟ་ཟིལ།། འབྱུང་བ་བཞི་སྟེ་ཁམས་ཀྱི་བདུད་རྩི་དགུ།། བདེ་བ་མཆོག་བདེ་རྣམ་རྟོག་བྲལ་བདེ་བ།། ལྷན་སྐྱེས་ཡེ་ཤེས་དབང་གི་ངང་དུ
47a6 བཤགས།། ཞེས་གསང་བ་ཤེས་རབ་ཡེ་ཤེས་ཀྱི་དབང་གི་བཤགས་པ་དེ་ལྟར་གསུངས་སོ།། དེ་ནས་བདེ་བ་ཆེན་པོའི་དབང་གི་བཤགས་པ་འདི་གསུངས་སོ།། ཐབས་དང་ཤེས་རབ་གཉིས་ཀ་རང་གནས
iiif viewer powered by OpenSeadragon
