| e-texts navigator |
| Wylie |
46b1 ཡི་གེ་ལོངས་སྐུར་གནས་པ་ལ།། འཁོར་ལོ་རྟེན་དང་མ་རྟེན་མན་ངག་གནད།། བདེ་བ་ཉམས་སུ་ལེན་པའི་ལམ་མ་བསྒོམས།། བདག་ལ་བྱིན་རླབས་ལམ་གྱི་ངང་དུ་བཤགས།། ཉོན་མོངས་དང་ནི་རྣམ་རྟོག་སྣརེལ་ཞི
46b2 རྣམས།། གསལ་ཞིང་ཡངས་པའི་རང་བྱུང་ཡེ་ཤེས་གནས།། སྙིང་གར་རོ་རྐྱང་དབུ་མ་ཟུང་འཇུག་བདེ།། ལྟ་བ་རང་བྱུང་ཡེ་ཤེས་ཀློང་དུ་བཤགས།། སྒྲ་དབྱངས་ཡེ་ནས་སྐད་དུ་གནས་པ་ལ།། འགྲོ་བ་རིགས་དྲུག་སོ
46b3 སོའི་རང་སྐད་དང་།། གསུང་རབ་ཡན་ལག་བཅུ་གཉིས་ཡིན་མ་ཤེས།། གྲུབ་མཐའ་མ་འདྲེས་ཡོངས་རྫོགས་ངང་དུ་བཤགས།། སེམས་ཀྱི་འོད་གསལ་ཡེ་ནས་འདུ་འབྲལ་མེད།། མ་བསྒོམས་རང་ཆས་ཡིན་པར་མ
46b4 ཤེས་པས།། འཆི་དུས་རང་གསལ་འབྱུང་བར་མ་འཚལ་བ།། འདའ་ཁའི་གདམས་ངག་འོད་གསལ་དང་དུ་བཤགས།། ལུས་གནས་ཡི་གེ་ལོངས་སྐུར་གནས་པ་ལ།། ལམ་དུ་མ་ཤེས་བདེ་བ་མ་བསྒོམས་པས།། གཏུམ
46b5 མོའི་དྲོད་ཀྱི་འབྲས་བུ་མ་ཐོས་པ།། འབྲས་བུ་ལོངས་སྤྱོད་རྫོགས་པའི་ངང་དུ་བཤགས།། གསང་བ་དབང་གི་གདམས་ངག་ཤེས་གྱུར་ཀྱང་།། རང་གི་བདེ་བ་ལམ་དུ་མ་ལོངས་ཏེ།། གཏུམ་མོའི་དྲོད་རྟགས་ལུས་ལ་མ
46b6 ཤར་བ།། གསང་དབང་དམ་ཚིག་ཉམས་པ་མཐོལ་ལོ་བཤགས།། ཞེས་ནང་གི་གསང་དབང་གི་བཤགས་པ་དེ་སྐད་གསུངས་སོ།། དེ་ནས་ཤེས་རབ་ཡེ་ཤེས་ཀྱི་དབང་གི་བཤགས་པ་འདི་གསུངས་སོ།། ལུས་ཁམས
iiif viewer powered by OpenSeadragon
