| e-texts navigator |
| Wylie |
45b1 བཤགས།། འཁོར་བ་རང་བཞིན་མེད་པར་མ་ཤེས་པས།། དངོས་པོ་མཚན་མའི་ཆོས་ལ་རྟག་པར་འཛིན།། མི་དགེའི་ལས་ཀྱིས་བདེ་བ་འཚོལ་བྱེད་པ།། བྱང་ཆུབ་སྐྱོན་བྲལ་ཀློང་དུ་མཐོལ་ལོ་བཤགས།། མཉམ་པའི
45b2 དོན་ཉིད་མཉམ་པར་མ་རྟོགས་པས།། གཉེན་བཤེས་འཁྲུལ་པའི་གྲོགས་ནི་རྟག་པར་འཛིན།། མི་ཤེས་སྐྱེ་བོའི་སེམས་འདི་ཡོངས་རེ་གོལ།། མཉམ་ཉིད་ཆོས་ཉིད་ཀློང་དུ་མཐོལ་ལོ་བཤགས།། ཆོས་ཉིད་བདེན་པའི
45b3 དོན་དང་མ་ཕྲད་ན།། བདེན་པའི་དོན་པོར་མི་དགེའི་ལས་ལ་བརྩོན།། སྟོན་པའི་བཀའ་བོར་མི་ཆོས་གཡེང་བས་བསླུས།། ཆོས་ཉིད་བདེ་ཆེན་ཀློང་དུ་མཐོལ་ལོ་བཤགས།། རིག་པའི་ཡེ་ཤེས་རང་སར་མ་གྲོལ
45b4 བས།། རང་རིག་དོན་པོར་གཡེང་བའི་ལས་ལ་བརྩོན།། འདི་འདྲའི་དོན་མེད་སེམས་ཅན་སྙིང་རེ་རྗེ།། དབྱེ་བསྲིང་མེད་པའི་ཀློང་དུ་བཤགས་པར་བགྱི།། ཡེ་ཤེས་ལྷ་ཚོགས་སྲུང་མ་དམ་ཅན་རྣམས།། དམ་ཚིག་གཞུང
45b5 བཞིན་སྒྲུབ་པའི་རྣལ་འབྱོར་ལ།། མ་རྟོགས་ལྟ་བའི་གོལ་སྒྲིབ་བྱུང་བ་ན།། རང་གནོད་འགྱོད་པའི་སེམས་ཀྱིས་མཐོལ་ལོ་བཤགས།། དྲི་མེད་རྒྱལ་པོ་བཤགས་པའི་རྒྱུད་ལས།། གྲོལ་ལམ་ལྟ་བའི་བཤགས་པ་བསྟན
45b6 པའི་ལེའུ་སྟེ་བཅུ་གསུམ་པའོ།། །། དེ་ནས་བཅོམ་ལྡན་འདས་ཀྱིས་ལོངས་སྤྱོད་ཆེན་པོའི་དམ་ཚིག་ལ་གནས་པ་རྣམས་ལ། ཐབས་ལམ་དབང་གིས་ཡོངས་སུ་རྫོགས་པའི་བཤགས་པ་འདི་གསུངས་སོ།། ཨོཾ་བདག
iiif viewer powered by OpenSeadragon
