| e-texts navigator |
| Wylie |
44b1 བཟང་ངན་མེད་པ་ལ།། བཟང་ངན་གཉིས་སུ་བལྟ་བ་ཟང་རེ་ཆད།། གཙང་དང་སྨེ་བར་འཛིན་པ་ཉོན་རེ་མོངས།། བཟང་ངན་མེད་པའི་ཀློང་དུ་བཤགས་པར་བགྱི།། མཉམ་པ་ཉིད་ལ་ཆེ་ཆུང་མེད་པ་ལ།། སངས་རྒྱས
44b2 སེམས་ཅན་བལྟ་བ་ཡོངས་རེ་གོལ།། ཆེ་ཆུང་གཉིས་སུ་འཛིན་པ་ཉོན་རེ་མོངས།། མཉམ་ཉིད་བདེ་ཆེན་ཀློང་དུ་བཤགས་པར་བགྱི།། བྱང་ཆུབ་སེམས་ལ་སྐྱེ་ཤི་མེད་པ་ལ།། འདི་དང་ཕྱི་མར་བལྟ་བ་ཐང་རེ་ཆད།། སྐྱེ
44b3 ཤི་གཉིས་སུ་འཛིན་པ་ཉོན་རེ་མོངས།། འཆི་མེད་གཡུང་དྲུང་ཀློང་དུ་བཤགས་པར་བགྱི།། ཐིག་ལེ་ཆེན་པོ་གྲ་ཟུར་མེད་པ་ལ།། གཟུགས་དང་རྫས་སུ་བལྟ་བ་ཐང་རེ་ཆད།། གྲ་ཟུར་གཉིས་སུ་འཛིན་པ་ཉོན་རེ
44b4 མོངས།། ཀུན་ནས་ཟླུམ་པའི་ཐིག་ལེ་ཆེན་པོར་བཤགས།། དུས་གསུམ་འགྱུར་བ་མེད་པའི་ངང་ཉིད་ལ།། ཐོག་མ་ཐ་མར་བལྟ་བ་ཡོངས་རེ་གོལ།། འཕོ་འགྱུར་གཉིས་སུ་འཛིན་པ་ཉོན་རེ་མོངས།། འགྱུར་བ་མེད
44b5 པའི་ཐིག་ལེ་ཆེན་པོར་བཤགས།། རང་བྱུང་ཡེ་ཤེས་བཙལ་དུ་མེད་པ་ལ།། རྒྱུ་འབྲས་གཉིས་སུ་བལྟ་བ་ཟང་རེ་ཆད།། རྩོལ་བསྒྲུབ་གཉིས་སུ་འཛིན་པ་ཉོན་རེ་མོངས།། རྩོལ་བ་མེད་པའི་རང་བྱུང་ཀློང་དུ
44b6 བཤགས།། རིག་པའི་ཡེ་ཤེས་རྟག་ཆད་མེད་པ་ལ།། རྟག་ཆད་གཉིས་སུ་འཛིན་པ་སྙིང་རེ་རྗེ།། ཡོད་དང་མེད་པར་བལྟ་བ་ཉོན་རེ་མོངས།། རྟག་ཆད་མེད་པའི་ཡེ་ཤེས་ཀློང་དུ་བཤགས།། ཆོས་དབྱིངས་རྣམ་དག
iiif viewer powered by OpenSeadragon
