| e-texts navigator |
| Wylie |
44a1 ངག་ལྟར་བཤགས་པ་འདི་གསུངས་སོ།། ཇི་ལྟར་སྣང་བ་ཀུན་བཟང་བདེ་ཆེན་གནས།། ཡོད་མེད་རྟག་ཆད་མཚན་མའི་ཚིག་ལས་འདས།། འདི་ལྟར་མ་རྟོགས་བདག་ཉིད་གང་ཡིན་པ།། དེ་ཉིད་མ
44a2 སྤངས་རྟོགས་པའི་ཀློང་དུ་བཤགས།། དུས་གསུམ་འཕོ་འགྱུར་ཐ་ཚིག་བཏགས་པ་མེད།། རྩོལ་མེད་བསྒྲུབ་མེད་ནམ་མཁའི་ངང་དུ་གནས།། ཡང་ལ་ཁྱབ་པས་ཀུན་གྱིས་འདོད་དགུར་སྦྱར།། ཕྱིན་ཅི་ལོག་རྟོགས་བྱང
44a3 ཆུབ་ལམ་དུ་བཤགས།། རྟོགས་པའི་མན་ངག་དོན་དུ་མི་ལྡན་ན།། ཚིག་གིས་མཚོན་པས་བྱང་ཆུབ་མི་འཐོབ་སྟེ།། རང་སེམས་ཡེ་ནས་སངས་རྒྱས་ཡིན་ཤེས་པས།། རང་བྱུང་ཡེ་ཤེས་ཀློང་དུ་མཐར་ཕྱིན་ཤོག། དེ་ལྟར
44a4 བཤགས་ན་སྒྲིབ་པ་ཐམས་ཅད་དང་།། ཉོན་མོངས་ལས་ངན་མ་སྤངས་རང་དག་ནས།། འབྲས་བུ་ཡང་དག་སངས་རྒྱས་འཐོབ་བོ་ཞེས།། མན་ངག་རྫོགས་པའི་རྣལ་འབྱོར་ལྟར་བཤགས་སོ།། དྲི་མེད་རྒྱལ་པོ
44a5 བཤགས་པའི་རྒྱུད་ལས། རྒྱུད་ལུང་མན་ངག་གི་བཤགས་པ་སྟེ་ལེའུ་བཅུ་གཉིས་པའོ།། །། དེ་ནས་བཅོམ་ལྡན་འདས་ཀྱིས་སངས་རྒྱས་ཐམས་ཅད་ཀྱི་དགོངས་པའི་ངང་ནས་ལྟ་བའི་ཀློང་བཤགས་འདི་གསུངས
44a6 སོ།། ཆོས་ཀྱི་དབྱིངས་ཉིད་སྤྲོས་པ་མེད་པ་ལ།། གཟུང་འཛིན་གཉིས་སུ་བལྟ་བ་ཡོངས་རེ་གོལ།། དངོས་པོ་མཚན་མར་འཛིན་པ་ཉོན་རེ་མོངས།། སྤྲོས་མེད་བདེ་ཆེན་ཀློང་དུ་བཤགས་པར་བགྱི།། ཀུན་ཏུ་བཟང་པོ
iiif viewer powered by OpenSeadragon
