| e-texts navigator |
| Wylie |
41b1 ཀུན་གྱི་གཉེན་གཅིག་པུ།། བྱམས་མགོན་ཐུགས་རྗེའི་ལྷ་ཁྱོད་དགོངས་སུ་གསོལ།། བདག་ནི་ཐོག་མ་མེད་པའི་དུས་མཐའ་ནས།། ལམ་ལོག་ལམ་སྟོར་སྲིད་པའི་འཁོར་བར་འཁྱམས།། སྔོན་ཚེ་ལས་ལོག་སྡིག
41b2 པ་སྤྱོད་པས་ནོངས།། སྡིག་པའི་ལས་རྣམས་ཅི་བྱས་རང་གནོངས་འགྱོད།། དར་ཞིང་དྲགས་པའི་ལས་དབང་དེ་བཙན་པས།། འཁོར་བའི་སྡུག་བསྔལ་རྒྱ་མཚོར་བྱིང་གྱུར་ཏེ།། ཞེ་སྡང་འབར་བའི་མེས་ནི་རང་རྒྱུད
41b3 བསྲེགས།། གཏི་མུག་མུན་པ་འཐིབས་པས་ཤེས་རབ་ལྗོངས།། འདོད་ཆགས་རྒྱ་མཚོའི་འདམ་དུ་རྣམ་ཤེས་བྱིང་།། ང་རྒྱལ་དྲེགས་པའི་རི་བོས་ངན་འགྲོར་མནན།། ཕྲག་དོག་རླུང་དམར་འཚུབས་པས་འཁོར་བར
41b4 གཡེངས།། བདག་ཏུ་བལྟ་བའི་མདུད་པ་དམ་པོས་བཅིངས།། འདོད་པ་མེ་མདག་དོང་འདྲའི་འོབས་སུ་ལྷུང་།། སྡུག་བསྔལ་དྲག་པོ་མི་བཟད་ཆར་ལྟར་འབབ།། འདི་འདྲའི་སྡུག་བསྔལ་ཤིན་ཏུ་བཟོད་དཀའ
41b5 ཞིང་།། སྡིག་པའི་ལས་དབང་དྲག་པོ་མེ་འབར་བས།། རྣམ་ཤེས་དབང་པོའི་མྱུ་གུ་གདུངས་གྱུར་ཏེ།། ཕུང་པོ་སྒྱུ་མའི་ལུས་ཀྱིས་མི་བཟོད་ན།། བྱམས་མགོན་ཐུགས་རྗེ་ཅན་གྱིས་བཟོད་ལགས་སམ།། བདག་འདྲ་བླུན
41b6 རྨོངས་ལས་ངན་སྡིག་པོ་ཆེ།། ལས་ཀྱི་དབང་གིས་འདོད་ཁམས་རཱ་ཏྲར་སྐྱེས།། སྐྱེས་པས་འགྱོད་དོ་ལས་ལ་ཡི་རེ་ཆད།། ཡི་ཆད་འགྱོད་ཀྱང་ལས་ལ་བཅོས་སུ་མེད།། ལས་ཀྱི་ཤུགས་ནི་ཆུ་བོའི་རྒྱུན་དང་འདྲ།། ལས
iiif viewer powered by OpenSeadragon
