| e-texts navigator |
| Wylie |
41a1 ཆེན་ཐུགས་དང་ཅི་འགལ་བ།། སྒྲོལ་གིང་བདག་པོའི་སྐུ་ལ་བཟོད་པར་གསོལ།། སྦྲུལ་སྐུ་ཁྲོ་མོའི་ཐུགས་སུ་མ་གྱུར་ཏེ།། འགུགས་འདྲེན་ཕོ་ཉའི་ཐུགས་དང་ཅི་འགལ་བ།། མགྱོགས་བྱེད་ལས་མཛད
41a2 སྐུ་ལ་བཟོད་པར་གསོལ།། ལེ་ལོའི་དབང་གིས་བརྩེ་གདུང་རྒྱུན་ཆད་དེ།། བྱང་ཆུབ་མཆེད་ལྕམ་ཐུགས་དང་ཅི་འགལ་བ།། རྡོ་རྗེ་མིང་སྲིང་སྐུ་ལ་བཟོད་པར་གསོལ།། བྲེ་མོའི་ཕྱིར་ན་དམ་ཚིག་ཉམས་ལ་སོགས།། ཕྱི
41a3 ནང་རྗེས་གཅོད་ཐུགས་དང་ཅི་འགལ་བ།། དམ་ཚིག་བྱ་ར་བྱེད་ལ་བཟོད་པར་གསོལ།། ལོངས་སྤྱོད་གསོལ་ནས་ལྷག་མའི་ཕུད་ཉམས་ཏེ།། ཕྱི་འཁོར་བརྟན་མའི་ཐུགས་དང་ཅི་འགལ་བ།། ཐུགས་རྗེ་ཆེ་མངའ་ཁྱེད
41a4 ལ་བཟོད་པར་གསོལ།། བཟོད་པར་མཛད་ནས་ཚངས་པའི་དངོས་གྲུབ་སྩོལ།། དྲི་མེད་རྒྱལ་པོ་བཤགས་པའི་རྒྱུད་ལས། ཁྲོ་བོའི་དཀྱིལ་འཁོར་ཁྲག་འཐུང་ལ་བཤགས་པ་སྟེ་ལེའུ་བཅུ་པའོ།། །། དེ་ནས་ཡང
41a5 དཔལ་ཆེན་པོ་ཧེ་རུ་ཀ་ལ་སོགས་པའི་དམ་ཚིག་ལ་གནས་པའི་གཙོ་འཁོར་རྣམས་ཀྱིས་བཤགས་པ་འདི་གསུངས་སོ།། ཐུགས་རྗེ་ཆེན་པོ་བཅོམ་ལྡན་རྡོ་རྗེ་སེམས།། དྲི་མེད་དུང་མདོག་མཆོག་ཏུ་གཟུགས་བཟང
41a6 བ།། རྣམ་དག་འོད་གསལ་ཟླ་འོད་དཀྱིལ་ན་མཛེས།། ཇི་ལྟར་མཁའ་ལ་ཉི་འོད་འབུམ་བརྡལ་ཞིང་།། དཔའ་བོ་འོད་ཟེར་སྟོང་འབར་ལྷམ་མེ་བ།། སྲིད་པ་གསུམ་གྱི་ས་མཁན་སྟོན་པར་གྲགས། ཁམས་གསུམ་འགྲོ་བ
iiif viewer powered by OpenSeadragon
