| e-texts navigator |
| Wylie |
40a1 སོ།། ཧཱུཾ་བསྐལ་པ་དུས་མཐའི་མེ་ལྟར་འབར་བའི་ཀློང་།། དུག་ལྔ་གནས་གྱུར་ཡེ་ཤེས་ཧེ་རུ་ཀ། དབྱིངས་ཀྱི་ཡུམ་ཆེན་ཁྲོ་མོ་ལྔ་དང་སྦྱོར།། གོ་རཱི་ལ་སོགས་ནང་གི་མཁའ་འགྲོ་བཞི།། པུཀྐ་ལ་སོགས་ཀྱི
40a2 ཡི་རྣལ་འབྱོར་མ།། སིདྷ་ལ་སོགས་ཟ་བྱེད་གདོང་ཅན་ཚོགས།། ཀྲི་ཏ་ལ་སོགས་མཚམས་ཀྱི་གཤོག་པ་ཅན།། འབར་བའི་བར་ཁྱམས་དབང་ཕྱུག་ཉི་ཤུ་བརྒྱད།། སྒོ་བཞི་འགུགས་འཆིང་སྡོམ་དགྱེས་སྒོ་མ་བཞི། ཁྲག
40a3 འཐུང་ལྷ་ཚོགས་སྐུ་ཡང་མ་གསལ་ཞིང་།། སྙིང་པོ་གྲངས་ཉུང་ཕྱག་རྒྱ་གནས་མ་སོན།། ཚོགས་དང་འབྱོར་པས་གནས་སུ་མ་བསྐངས་པ། ཁྲོ་བོའི་ལྷ་ཚོགས་རྣམས་ལ་བཟོད་པར་གསོལ།། ཞེས་གསུངས་སོ།། དེ་ནས
40a4 ཡང་ཕྱོགས་བཅུའི་རྣལ་འབྱོར་གྱི་དབང་ཕྱུག་ཕོ་མོ་རྣམས་ཀྱིས། ཧེ་རུ་ཀའི་དཀྱིལ་འཁོར་ལ་བཤགས་པ་འདི་གསུངས་སོ།། ཨོཾ་དང་པོར་གསང་མཆོག་སྡོམ་པ་འདི་མནོས་ནས།། འདའ་དཀའ་ཁས་བླངས་དམ་ལས
40a5 གཡེལ་གྱུར་ཏེ། ཁྲག་འཐུང་རིགས་ལྔའི་ཐུགས་དང་ཅི་འགལ་བ།། ཐུགས་རྗེ་ཆེ་མངའ་ཁྱེད་ལ་བཟོད་པར་གསོལ།། ག་ཎའི་སྦྱོར་མཆོག་རྟོག་འཛིན་པར་ཆད་ཀྱིས།། ཡུམ་ཆེན་ཀྲོ་དྷིའི་ཐུགས་དང་ཅི་འགལ་བ། ཁྲོ་མོ
40a6 དབྱིངས་ཕྱུག་ལྔ་ལ་བཟོད་པར་གསོལ།། རྫས་དང་ཕྱག་རྒྱ་མངོན་དུ་མ་གྱུར་ཏེ།། ཤ་ཟ་གོ་རཱིའི་ཐུགས་དང་ཅི་འགལ་བ།། གནས་ཀྱི་མ་བརྒྱད་སྐུ་ལ་བཟོད་པར་གསོལ།། ཤ་ཁྲག་མཆོད་པ་གཞུང་བཞིན་མ་འཚོགས
iiif viewer powered by OpenSeadragon
