| e-texts navigator |
| Wylie |
39b1 སྐུར་སྤྲུལ་པ།། སིང་ཧ་ལ་སོགས་ཐུགས་དང་ཅི་འགལ་བ།། ཡུལ་གྱི་ཕྲ་མེན་བརྒྱད་ལ་བཟོད་པར་གསོལ།། ཕོ་བྲང་བརྒྱན་དང་ལྡན་པའི་དཀྱིལ་འཁོར་དུ།། འགུགས་དང་འཆིང་དང་སྡོམ་དགྱེས་སྒོ་མ་བཞི།། རྟ
39b2 གདོང་ལ་སོགས་ཐུགས་དང་ཅི་འགལ་བ།། སྒོ་བཞི་ཕྱག་རྒྱ་རྣམས་ལ་བཟོད་པར་གསོལ།། མངོན་སྤྱོད་ལས་ལས་གྲུབ་པའི་དབང་ཕྱུག་མ།། དགེ་དང་མི་དགེ་གཉིས་ཀྱི་དབང་མཛད་པའི།། མ་ཚོགས་དབང
39b3 ཕྱུག་ཐུགས་དང་ཅི་འགལ་བ།། མ་སྲིང་རྒྱ་མཚོ་རྣམས་ལ་བཟོད་པར་གསོལ།། རང་བཞིན་ལྷུན་གྱིས་གྲུབ་པའི་དཀྱིལ་འཁོར་དུ།། ཐུགས་རྗེ་མཉམ་པའི་ངང་ལས་མ་གཡོས་ཀྱང་།། ཕྲ་མོའི་ཏིང་འཛིན་གསལ་བར་མ
39b4 གྱུར་པས།། ཡོན་ཏན་འཛིན་པ་རྣམས་ལ་བཟོད་པར་གསོལ།། བདག་གིས་སྐྱེ་བ་ཐོག་མ་མ་མཆིས་ནས།། ད་ལྟའི་ལུས་འདི་བཟུང་བ་ཡན་ཆད་དུ།། མ་རིག་དབང་གིས་སྲིད་པའི་ཁམས་ཀུན་འཁོར།། ཇི་སྲིད་མི་ལུས
39b5 བླངས་ནས་གར་སྐྱེས་ཀྱང་།། མཚམས་མེད་ལྔ་དང་དེ་དང་ཉེ་བ་ལྔ།། སྡིག་པའི་ལས་སུ་གྱུར་པ་ཅི་མཆིས་པ།། དངོས་ཀྱིས་བགྱིས་དང་བགྱིད་དུ་སྩལ་བ་དང་།། དེ་ལས་རྗེས་སུ་ཡི་རང་བགྱིས་པ་རྣམས།། བྱང
39b6 བ་ཐུགས་རྗེས་བདག་ལ་དགོངས་ནས་ཀྱང་།། ཚངས་པར་མཛད་ནས་དངོས་གྲུབ་སྩལ་དུ་གསོལ།། ཞེས་གསུངས་སོ།། དེ་ནས་དམ་ཚིག་ལ་གནས་པའི་རྣལ་འབྱོར་གྱི་དབང་ཕྱུག་ཆེན་པོ་རྣམས་ཀྱིས་འདི་གསུངས
iiif viewer powered by OpenSeadragon
