| e-texts navigator |
| Wylie |
39a1 གཉིས་ཀྱི་བདག་དང་མ་བྲལ་བས།། གཉིས་སུ་མེད་པའི་གནས་ལུགས་དོན་མ་རྟོགས།། གཉིས་མེད་ཆོས་ཀྱི་སྐུ་ལ་བཟོད་པར་གསོལ།། དོན་དམ་མི་འགག་གསལ་བའི་གོ་འབྱེད་པའི།། ཟླ་གསལ
39a2 དང་བའི་དབྱིངས་སུ་སྐུ་བཞེངས་ལ།། བྱང་ཆུབ་ཐིག་ལེའི་འོད་ཀྱིས་ཁྱབ་མཛད་པ།། ཀུན་སྣང་དང་བའི་སྐུ་ལ་བཟོད་པར་གསོལ།། དོན་དམ་སྐྱེ་བ་མེད་པའི་མཁའ་དབྱིངས་ལས།། འབྲས་བུ་ཡོན་ཏན་འབྱུང་བའི
39a3 སྐུར་སྣང་བ།། དབང་ཆེན་རིམ་གྱིས་བསྐྱེད་པའི་བཞུགས་གནས་རྟེན།། དབང་ཆེན་གཞལ་ཡས་གསལ་བར་མ་གྱུར་པ།། ཕོ་བྲང་འབར་བའི་ཀློང་དུ་བཟོད་པར་གསོལ།། བདེ་ཆེན་ཉིད་ལས་ཕྱག་རྒྱའི་སྐུར་སྣང
39a4 ཞིང་།། ཡེ་ཤེས་དྲུག་གི་ཕྱག་མཚན་རང་རང་བསྣམས།། ཇི་ལྟར་གསལ་བའི་ངང་དུ་མ་གྱུར་པ།། འཇིགས་བྱེད་ཧེ་རུ་ཀ་ལ་བཟོད་པར་གསོལ།། གཉིས་མེད་སྐུ་ལ་འཁྲིལ་བའི་གཟུངས་མཆོག་མ།། པདྨའི་དོན་ལ
39a5 ཆགས་པའི་མཁའ་དབྱིངས་སུ།། གཉིས་མེད་བྱང་ཆུབ་སེམས་ཀྱི་འོད་སྤྲོ་བ།། ཀྲོ་དྷི་ཤྭ་རཱིའི་སྐུ་ལ་བཟོད་པར་གསོལ།། ཐུགས་ལས་སྐྱེས་པའི་ཡེ་ཤེས་ཁྲོ་མོ་རྣམས།། རྣམ་ཤེས་དུར་ཁྲོད་བརྒྱད་ཀྱི་མཁའ་འགྲོ་མ།། གོ
39a6 རཱི་ལ་སོགས་ཐུགས་དང་ཅི་འགལ་བ།། གནས་ཀྱི་མ་བརྒྱད་སྐུ་ལ་བཟོད་པར་གསོལ།། ཐུགས་རྗེ་ཞི་བའི་ངང་ལས་མ་གཡོས་ཀྱང་།། ལོག་རྟོགས་མཚན་མར་འཛིན་པ་ཞི་བའི་ཕྱིར།། མཆེ་གཤོག་རྔམ་པ་འབར་བའི
iiif viewer powered by OpenSeadragon
