| e-texts navigator |
| Wylie |
37a1 བཞི་ཡི་ཐུགས་དང་ཅི་འགལ་བ།། ཐུགས་རྗེ་ཆེ་མངའ་ཁྱེད་ལ་བཟོད་པར་གསོལ།། སྒོ་མ་བཞི་རྣམས་གསན་ཅིང་དགོངས་སུ་གསོལ།། རྟག་ཆད་མུ་བཞི་ཡེ་ནས་མངོན་སངས་རྒྱས།། སྒོ་མ་བཞི་ཡི
37a2 དགོངས་སྤྱོད་དེ་འདྲ་ཡང་།། དེ་ལྟར་བདག་གིས་མ་རིག་མ་རྟོགས་ཏེ།། སྒོ་མ་བཞི་ཡི་ཐུགས་དང་ཅི་འགལ་བ།། ཐུགས་རྗེ་ཆེ་མངའ་ཁྱེད་ལ་བཟོད་པར་གསོལ།། ཞེས་གསུངས་སོ།། དེ་ནས་རྣལ་འབྱོར་མའི་ཚོགས
37a3 རྣམས་ཀྱིས་ཞི་བའི་བཤགས་པ་འདི་གསུངས་སོ།། ཨོཾ་རང་རིག་ཡེ་ཤེས་བློ་དང་མི་ལྡན་པས།། བདག་གིས་ཕུང་པོ་ཁམས་དང་སྐྱེ་མཆེད་རྣམས།། ཞི་བའི་དཀྱིལ་འཁོར་ལྷ་རུ་སྦྱོར་མ་འཚལ།། སངས་རྒྱས་བཞི་བཅུ
37a4 གཉིས་ལ་བཟོད་པར་གསོལ།། རང་རིག་ཡེ་ཤེས་བློ་དང་མི་ལྡན་པས།། ཡིད་ཆོས་ཀུན་བཟང་ཡབ་ཡུམ་སྦྱོར་མ་འཚལ།། མ་རིག་རང་སེམས་བདག་ཏུ་བཟུང་བས་ནོངས།། ཀུན་བཟང་ཡབ་ཡུམ་སྐུ་ལ་བཟོད་པར
37a5 གསོལ།། རང་རིག་ཡེ་ཤེས་བློ་དང་མི་ལྡན་པས།། ཕུང་པོ་ལྔ་པོ་རིགས་ལྔར་སྦྱོར་མ་འཚལ།། མ་རིག་རང་སེམས་བདག་ཏུ་བཟུང་བས་ནོངས།། རྒྱལ་བ་རིགས་ལྔའི་སྐུ་ལ་བཟོད་པར་གསོལ།། རང་རིག་ཡེ་ཤེས་བློ
37a6 དང་མི་ལྡན་པས།། འབྱུང་བ་ལྔ་རྣམས་ཡུམ་ལྔར་སྦྱོར་མ་འཚལ།། མ་རིག་རང་སེམས་བདག་ཏུ་བཟུང་བས་ནོངས།། རིགས་ཀྱི་ཡུམ་ལྔའི་སྐུ་ལ་བཟོད་པར་གསོལ།། རང་རིག་ཡེ་ཤེས་བློ་དང་མི་ལྡན་པས།། ཤེས
iiif viewer powered by OpenSeadragon
