| e-texts navigator |
| Wylie |
36a1 འཚལ།། བློ་སེམས་རྟུལ་བས་སྐྱོན་ཅན་མ་རྟོགས་ཏེ།། རང་གནོད་འགྱོད་པའི་སེམས་ཀྱིས་མཐོལ་བཤགས་ན།། གྲོགས་ངན་ཉམས་གྲིབ་སྐྱོན་གྱིས་མ་གོས་ཤིང་།། ཉམས་པ་རྣམས་ལ་ཆད་པ་སྒོར
36a2 བཅད་དེ།། འདི་ཕྱིའི་རྐྱེན་དང་སྒྲིབ་པར་མི་འགྱུར་བར།། ཕྲ་མེན་སྦྲུལ་ཚོགས་དབྱེ་བསལ་མཛད་དུ་གསོལ།། ཞེས་གསུངས་སོ།། དྲི་མེད་རྒྱལ་པོ་བཤགས་པའི་རྒྱུད་ལས། ཡེ་ཤེས་མཁའ་འགྲོའི་བཤགས་པའི་ལེའུ
36a3 སྟེ་བརྒྱད་པའོ།། །། དེ་ནས་ལོངས་སྤྱོད་ཆེན་པོའི་དམ་ཚིག་ལ་གནས་པའི་རྣལ་འབྱོར་གྱི་དབང་ཕྱུག་ཆེན་པོ་རྣམས་ཀྱིས་ཆོས་ཉིད་ཞི་བའི་བཤགས་པ་འདི་གསུངས་སོ།། ཀུན་བཟང་ཡབ་ཡུམ་གསན་ཅིང
36a4 དགོངས་སུ་གསོལ།། ཡིད་དང་ཆོས་ནི་ཡེ་ནས་མངོན་སངས་རྒྱས།། ཀུན་བཟང་ཡབ་ཡུམ་དགོངས་སྤྱོད་དེ་འདྲ་ཡང་།། དེ་ལྟར་བདག་གིས་མ་རིག་མ་རྟོགས་ཏེ།། ཀུན་བཟང་ཡབ་ཡུམ་ཐུགས་དང་ཅི་འགལ
36a5 བ།། ཐུགས་རྗེ་ཆེ་མངའ་ཁྱེད་ལ་བཟོད་པར་གསོལ།། རྒྱལ་བ་རིགས་ལྔ་གསན་ཅིང་དགོངས་སུ་གསོལ།། ཕུང་པོ་ལྔ་ནི་ཡེ་ནས་མངོན་སངས་རྒྱས།། རྒྱལ་བ་རིགས་ལྔའི་དགོངས་སྤྱོད་དེ་འདྲ་ཡང་།། དེ་ལྟར་བདག
36a6 གིས་མ་རིགས་མ་རྟོགས་ཏེ།། རྒྱལ་བ་རིགས་ལྔའི་ཐུགས་དང་ཅི་འགལ་བ།། ཐུགས་རྗེ་ཆེ་མངའ་ཁྱེད་ལ་བཟོད་པར་གསོལ།། རིགས་ཀྱི་ཡུམ་རྣམས་གསན་ཅིང་དགོངས་སུ་གསོལ།། འབྱུང་བ་ལྔ་ནི་ཡེ་ནས་མངོན
iiif viewer powered by OpenSeadragon
