| e-texts navigator |
| Wylie |
35b1 མཁའ་འགྲོ་ཕྱི་ཡི་རྣལ་འབྱོར་བཞི།། བདག་ཉིད་ཆེན་མོ་ལ་སོགས་མ་མོའི་ཚོགས།། ལྷ་དང་ལྷ་མིན་ཕྱོགས་བཅུའི་མཁའ་འགྲོ་མ།། དབང་གྱུར་རྡོ་རྗེ་དམ་ཅན་དགོངས་སུ་གསོལ།། ལྟ་བ་མཐོ་བས་སྤྱོད་ལམ་རྩིངས་པ
35b2 དང་།། ཉ་སྟོང་གསོ་སྦྱོང་དུས་ལས་གཡེལ་གྱུར་ཅིང་།། གཉིད་ཆང་རྨོངས་པས་ཕྱི་མཆོད་མ་སྐོངས་པ།། བཟོད་པར་གསོལ་ལོ་ཚངས་པར་སྩལ་དུ་གསོལ།། དམ་ཚིག་ལྷག་མ་ཁ་ཆུའི་འོད་ཟེར་འཕྲོ།། ཀུན་ཏུ་བཟང
35b3 པོའི་མཆོད་སྤྲིན་ཨ་མྲྀ་ཏ།། ཤ་ཁྲག་བདུད་རྩིའི་མཆོད་པ་ཆེན་པོ་འདིས།། ལས་ཀྱི་མཁའ་འགྲོའི་ཐུགས་དམ་བསྐང་གྱུར་ཅིག། ཨོཾ་སྟོང་ཁམས་ཡོངས་སུ་འཆོལ་བར་གྱུར་མོད་ཀྱང་།། བདག་ནི་རྡོ་རྗེའི་དམ་ལས་མི
35b4 འདའ་ཞིང་།། དཔལ་ཆེན་བསྒོམ་བསྒྲུབ་ལས་ལ་བརྩོན་ལགས་ན།། སྐྱེས་ཆེན་ཁྱེད་ཀྱི་ཐུགས་དམ་མཉེས་གྱུར་ཅིག། དུར་ཁྲོད་ཀློང་དགུའི་མཁའ་འགྲོ་རྣམ་བཞིའི་ཚོགས། ཁམས་གསུམ་འཁོར་བའི་སྡུག་བསྔལ་ཅི
35b5 འདྲ་བ།། བྱམས་མགོན་ཁྱེད་ཀྱིས་ཐུགས་ལ་དེ་ལྟར་གསལ།། དམྱལ་ཚོགས་མེ་ལྟར་འབར་བ་ཞི་བར་མཛོད།། ཐུགས་རྗེའི་གདུང་འཚོ་བ་རིག་འཛིན་བདག་གིས་ནི།། དང་པོར་བྱང་ཆུབ་མཆོག་ཏུ་སེམས་བསྐྱེད
35b6 ནས།། འདའ་དཀའ་རྡོ་རྗེའི་དམ་ཚིག་མཆོག་གསུམ་པོ།། རྒྱལ་བའི་བཀའ་ལས་འདའ་བར་མི་བགྱིད་ལ།། གསང་སྔགས་འཆོལ་བར་གྱུར་གྱིས་གསལ་ཀ་མོད།། ཉམས་དང་ཚོགས་འདྲིས་གྱུར་པ་བསྐང་སོ
iiif viewer powered by OpenSeadragon
