| e-texts navigator |
| Wylie |
35a1 ཏ།། དུས་དྲུག་མཆོད་པའི་ཚུལ་དུ་མ་སྦྱར་བ།། བཟོད་པར་གསོལ་ལོ་ཚངས་པ་སྩལ་དུ་གསོལ།། བྱང་ཆུབ་སེམས་དང་མཱཾ་ས་རཀྟ་དང་།། དྲི་ཆེན་དྲི་ཆུ་གོ་ཀུ་ད་ཧ་ན།། གཉིས་མེད་སྦྱར་བའི་སྨན་མཆོག
35a2 ཨ་མྲྀ་ཏས།། རྡོ་རྗེ་མཁའ་འགྲོའི་ཐུགས་དམ་བསྐང་གྱུར་ཅིག། འབར་བའི་སྐུ་མཆོག་རྫོགས་པའི་དཀྱིལ་འཁོར་དུ།། བདུད་དང་སྲིན་པོ་མ་ལུས་འདུལ་བའི་ཕྱིར།། རྩེ་གཅིག་སྒྲུབ་པ་པོ་ལ་ཞལ་སྟོན་ལ།། བར་གཅོད
35a3 བྱེད་པའི་དགྲ་བགེགས་རྡུལ་དུ་རློག། ཨོཾ་ཤ་ཟ་མཁའ་འགྲོ་དབང་ཕྱུག་ཉི་ཤུ་བརྒྱད།། སྲིད་གསུམ་རྒྱལ་མོ་དུར་ཁྲོད་བརྒྱད་ཀྱི་ཡུམ།། གཙོ་མོ་མངོན་སྤྱོད་མ་བདུན་འཁོར་དང་བཅས།། དབང་གྱུར་རྡོ་རྗེ་དམ་ཅན
35a4 དགོངས་སུ་གསོལ།། མཆོད་པ་ལོ་ཟླའི་དུས་ལས་འདས་པ་དང་།། རྫས་དང་ཕྱག་རྒྱ་དུས་འདིར་མ་རྫོགས་ཤིང་།། ཤ་ཁྲག་དམར་གྱི་དམ་ལས་གཡེལ་གྱུར་ཏེ།། ཤ་ཟ་མཁའ་འགྲོའི་ཐུགས་དང་ཅི་འགལ་བ།། བཟོད
35a5 པར་གསོལ་ལོ་ཚངས་པར་སྩལ་དུ་གསོལ།། དུར་ཁྲོད་རྫས་མཆོག་ཐལ་ཆེན་བ་སུ་ཏ།། ཤ་ཁྲག་དམར་གྱི་མཆོད་པ་རབ་སྦྱར་ཏེ།། བྷནྡྷའི་སྣོད་དུ་དམར་ཆེན་བསྐྱིལ་བ་འདིས།། ཤ་ཟ་མཁའ་འགྲོའི་ཐུགས་དམ་བསྐང
35a6 གྱུར་ཅིག། ཨོཾ་སྔོན་ཚེ་དཔལ་ཆེན་ཁྲོ་རྒྱལ་སྤྱན་སྔ་རུ།། སུས་ཀྱང་མ་བཅོལ་ཉིད་ཀྱིས་ཞལ་འཆེས་ཏེ།། རྩེ་གཅིག་སྒྲུབ་པ་པོ་ཡི་གྲོགས་མཛོད་ལ།། རྣལ་འབྱོར་དབང་ཕྱུག་ཆེན་པོའི་འཁོར་སྲུངས་ཤིག། ཨོཾ་ལས་ཀྱི
iiif viewer powered by OpenSeadragon
