| e-texts navigator |
| Wylie |
34b1 བཤགས་པའི་རྒྱུད་ལས། རྡོ་རྗེ་དཔལ་ཆེན་གྱི་བཤགས་པ་སྟེ་ལེའུ་བདུན་པའོ།། །། དེ་ནས་བདེ་བར་གཤེགས་པ་ཐམས་ཅད་ཀྱིས། ཡེ་ཤེས་མཁའ་འགྲོ་ལ་སོགས་པ་མཁའ་འགྲོ་མའི་ཚོགས་ཀྱི་བཤགས་པ
34b2 འདི་གསུངས་སོ།། ཨོཾ་ཡེ་ཤེས་མཁའ་འགྲོ་དབང་ཕྱུག་ཁྲོ་རྒྱལ་གཙོ།། བདེ་ཆེན་གཉིས་མེད་ཡུམ་གྱི་དབྱིངས་སུ་སྦྱོར།། བདག་ཏུ་ལྟ་བའི་ང་རྒྱལ་འཇོམས་མཛད་པའི།། དབང་གྱུར་རྡོ་རྗེ་དམ་ཅན་དགོངས་སུ
34b3 གསོལ།། ཏ་ནའི་གནས་མཆོག་སྒྲོལ་བ་གནས་མ་སྟོབས།། ག་ཎའི་གནས་མཆོག་སྦྱོར་བ་བྱིན་མ་བརླབས།། དཔལ་ཆེན་ཁྲོ་རྒྱལ་ཐུགས་དང་ཅི་འགལ་བ།། ཐུགས་རྗེ་ཆེ་མངའ་ཁྱེད་ལ་བཟོད་པར་གསོལ།། རྨད་དུ
34b4 བྱུང་བའི་མཆོད་པ་ཏན་གཎ་ནི།། ཡེ་ཤེས་ལྔ་ཡི་འོད་ཟེར་རྣམ་པར་འཕྲོ།། འདོད་པ་ལྔ་ཡི་ཡོན་ཏན་བསམ་ཡས་ཀྱིས།། ཡེ་ཤེས་མཁའ་འགྲོའི་ཐུགས་དམ་བསྐང་གྱུར་ཅིག། དཔལ་ཆེན་ཁྲོ་རྒྱལ་ཡབ་ཡུམ་ཐུགས་རྗེ
34b5 ཡིས།། རྩེ་གཅིག་སྒྲུབ་པ་པོ་ཡི་གྲོགས་མཛོད་ལ།། བར་གཅོད་བྱེད་པའི་དགྲ་བགེགས་རྡུལ་དུ་རློག། གྲུབ་པའི་འབྲས་བུ་དུས་འདིར་སྩལ་དུ་གསོལ།། ཧཱུཾ་རྡོ་རྗེ་མཁའ་འགྲོ་དབང་ཕྱུག་གོ་རཱི་བརྒྱད།། སིདྷ་ལ་སོགས
34b6 ཡུལ་གྱི་ཕྲ་མེན་བརྒྱད།། རྟ་གདོང་ལ་སོགས་འབར་མ་ཁྲོ་མོ་བཞི།། དབང་གྱུར་རྡོ་རྗེ་དམ་ཅན་དགོངས་སུ་གསོལ།། ཨོཾ་བསྒོམ་བསྒྲུབ་དུས་ལས་གཡེལ་བར་གྱུར་པ་ཡིས།། སྒྲུབ་པའི་རྫས་མཆོག་བདུད་རྩི་ཨ་མྲྀ
iiif viewer powered by OpenSeadragon
