| e-texts navigator |
| Wylie |
33b1 བསྐང་དུ་གསོལ།། ཐེག་ཆེན་རྣལ་འབྱོར་བསྐྱང་བར་ཞལ་འཆེས་པའི།། དུས་དང་ཚད་མཁྱེན་མཐུ་དང་ལྡན་བཞིན་དུ།། སྐྱེས་མཆོག་ཁྱེད་ཀྱང་བཏང་སྙོམས་མཛད་ན་ཀོ། དང་པོའི་དམ་བཅས་འགལ་བར་མི་འགྱུར
33b2 རམ།། གང་གིས་གང་ལ་རང་གིས་དམ་བཅས་པ།། དེ་ཡིས་དེ་ཉིད་དོན་དུ་གཉེར་དགོངས་པ།། གཞན་གྱིས་བསྐུལ་ཞིང་གསོལ་གདབ་མི་འཚལ་ན།། ཉིད་ཀྱི་ཐུགས་དམ་འབྲས་བུ་མཆིས་པར་མཛོད།། བདག་གི
33b3 དམ་ཚིག་རྡོ་རྗེའི་མཆོག་གསུམ་པོ། ཁྱེད་ཀྱི་ཐུགས་དམ་མཆོག་ཀྱང་དེ་ལགས་པས།། རིགས་མི་མཐུན་ཀྱང་དམ་ཚིག་གིས་བསྡུས་ན།། ལྕམ་དྲལ་ཚུལ་དུ་ཉེ་ཞིང་གདུང་བར་མཛོད།། སྔོན་འདས་དུས་ན་བསྟན་པ
33b4 འཇིག་ལ་སོགས།། ཞེ་སྡང་གདུག་པའི་དགྲ་བགེགས་གར་བྱུང་ཡང་།། ཁྱེད་ཀྱི་ཐུགས་རྗེ་ལྷག་པར་དེར་ཕྱུང་ཞིང་།། དྲག་ཤུལ་ཐབས་ཀྱིས་འདུལ་བ་ཇི་བཞིན་དུ།། ད་ལྟ་དུས་ངན་བསྟན་པ་འཇིག་ལ་སོགས།། སྡིག
33b5 པའི་འབྲས་བུ་སྨིན་པར་ཁྱེད་མཁྱེན་གྱིས།། རྡོ་རྗེ་ལྕམ་དྲལ་མ་ལུས་རྒྱ་མཚོ་ཡིས།། སོ་སོའི་ཐུགས་དམ་ཆེན་པོ་དགོངས་མཛོད་ལ།། ཇི་ལྟར་འཚམ་པ་བཞིན་དུ་ཕྲིན་ལས་མཛོད།། དབང་ཕྱུག་ལ་སོགས་བྱེད་པོར
33b6 ཁས་འཆེས་ཀྱང་།། དེ་ཉིད་དངོས་པོ་ལྟ་བུར་བྱེད་མི་ནུས། ཁྱེད་ནི་སྒྱུ་མའི་ཆོས་ལ་མངའ་བརྙེས་པས།། སྒྱུ་མའི་རང་བཞིན་ཅིར་ཡང་གྲུབ་པར་མཛོད།། མི་ནུས་མངོན་ཤེས་མཐུ་དང་མི་ལྡན་ཡང་།། དམ་ཚིག་ཆོས
iiif viewer powered by OpenSeadragon
