| e-texts navigator |
| Wylie |
33a1 ནི།། ཐབས་མཁས་ཐུགས་རྗེ་ཡེ་ཤེས་སྤྲུལ་པ་དང་།། རང་རྒྱུད་རྣལ་འབྱོར་དག་པའི་གྲུབ་པ་ཅན།། རྡོ་རྗེ་ལྕམ་དྲལ་མང་པོ་དགོངས་སུ་གསོལ།། ཀུན་ཏུ་བཟང་པོ་རྡོ་རྗེ་འཛིན་པ་ཡི།། སྙིང་ལ་གནས
33a2 པའི་དམ་ཚིག་བྱིན་བརླབས་པ།། ཐེག་ཆེན་ཁྱེད་ཀྱིས་དང་དུ་བཞེས་ནས་ཀྱང་།། ཞལ་འཆེས་གང་ལགས་རྗེས་སུ་དགོངས་པར་མཛོད།། བདག་གི་མིག་ལ་སོགས་ཏེ་དབང་པོ་ལྔ།། བེམས་པོའི་རང་བཞིན་རྣམ་ཤེས
33a3 མ་སྦྱངས་པས། ཁྱེད་ཀྱི་སྐུ་གསུང་མི་མཐོང་མི་ཐོས་ཏེ།། མིན་པའི་ཚོགས་དང་འདྲ་བར་བཅིངས་མོད་ཀྱི།། འོན་ཀྱང་ཡིད་ཆེས་སེམས་འདི་རྩེ་གཅིག་གིས།། མངོན་སུམ་འདྲ་བར་རྟག་ཏུ་རྗེས་དྲན་ན།། དུས་གསུམ
33a4 ཀུན་ནས་མ་བསྒྲིབས་མཁྱེན་པ་ཡི།། རྡོ་རྗེ་ལྕམ་དྲལ་མང་པོ་བདག་ལ་དགོངས།། ཡེ་ཤེས་མངོན་ཤེས་ལྡན་ཞིང་ཐུགས་བརྩེ་བ།། མཐུ་རྩལ་རྨད་བྱུང་ཕན་པའི་དགོངས་པ་ཅན།། གཞན་གྱིས་མ་བཅོལ་ཉིད་ཀྱིས་ཞལ
33a5 འཆེས་པ།། བདེན་པར་གསུངས་པས་བདག་གི་གྲོགས་མཛོད་ཅིག། གང་དག་བྱང་ཆུབ་སེམས་དང་ལྡན་པ་དང་།། སྐུ་གསུང་ཐུགས་ཀྱི་རྣལ་འབྱོར་སྤྱོད་པ་ལ།། ཀུན་ནས་བསྲུང་ཞིང་རེ་བ་བསྐང་ངོ་ཞེས། ཁྱེད
33a6 ཀྱི་ཐུགས་དམ་མི་འགྱུར་དེ་ལགས་ན།། བདག་ལ་བླ་མེད་བྱང་ཆུབ་སེམས་མཆིས་ཀྱིས།། སྐུ་གསུང་རྣལ་འབྱོར་བརྩོན་པར་བགྱིད་ལགས་ན།། རྡོ་རྗེ་དམ་ཅན་མ་ལུས་རྒྱ་མཚོ་ཡིས།། ཀུན་ནས་བསྲུང་ཞིང་རེ་བ
iiif viewer powered by OpenSeadragon
