| e-texts navigator |
| Wylie |
32b1 སངས་རྒྱས་ལྔ།། འདི་ནི་བསྒྲུབ་པར་བྱ་བའི་འབྲས་བུ་སྟེ།། སྒོམ་སྒྲུབ་ཏིང་འཛིན་ལེ་ལོ་མེད་པ་ཡིས།། སྒྲུབ་པའི་འབྲས་བུ་ཐོབ་པར་བགྱིད་རྒྱུ་ལ།། འབད་པའི་རྩལ་ཆུང་སྒོམ་སྒྲུབ་ཡུན་ཐུང་བས།། སྒྲུབ་པའི་འབྲས
32b2 བུ་ད་དུང་མ་ཐོབ་སྟེ།། བསྒྲུབ་བྱའི་དམ་ཚིག་ཉམས་པ་མཐོལ་ཞིང་བཤགས།། དེ་ལ་སོགས་ཏེ་དམ་ཚིག་ཆེན་པོ་ཡི།། གཞུང་དང་འགལ་བར་གྱུར་པས་ཉེས་བྱས་ཤིང་།། ཡེ་ཤེས་ལྷ་དང་མཁའ་འགྲོ་དམ་ཚིག
32b3 ཅན།། མ་སྲིང་རྒྱ་མཚོའི་ཐུགས་དང་ཅི་འགལ་བ།། ཤིན་ཏུ་གནོང་ཞིང་འགྱོད་པས་མཐོལ་ཞིང་བཤགས།། རྡོ་རྗེ་སློབ་དཔོན་མཆེད་དང་ལྕམ་དྲལ་དང་།། རྣལ་འབྱོར་དམ་ཅན་ཐུགས་དང་ཅི་འགལ་བ།། དམ་ལས
32b4 འགལ་གྱུར་འགྱོད་པས་མཐོལ་ཞིང་བཤགས།། བདག་གིས་རྩེ་གཅིག་ཟོལ་ཟོག་མེད་པ་ཡིས།། སྒྱུ་མེད་སེམས་ཀྱིས་བཤགས་སྦྱང་འདི་བརྗོད་པས།། བདག་ཉིད་ཉམས་ཆག་སྒྲིབ་པ་འདིར་བྱང་ནས།། ཚེ་འདི་ཉིད
32b5 ལ་རིག་འཛིན་ས་ཐོབ་སྟེ།། བྱིན་རླབས་རྩལ་འཕང་གཟི་བརྗིད་ནུས་མཐུ་དང་།། སྐུ་གསུང་ཐུགས་ཀྱི་དངོས་གྲུབ་སྩལ་དུ་གསོལ།། ཞེས་གསུངས་སོ།། དྲི་མེད་རྒྱལ་པོ་བཤགས་པའི་རྒྱུད་ལས། དམ་ཚིག་ཉི་ཤུ་རྩ
32b6 བརྒྱད་པའི་བཤགས་པ་སྟེ་ལེའུ་དྲུག་པའོ།། །། དེ་ནས་སངས་རྒྱས་ཐམས་ཅད་ཀྱི་དམ་ཚིག་ལ་གནས་པའི་དཔལ་ཆེན་པོ་རྣམས་ཀྱིས་བཤགས་པ་འདི་གསུངས་སོ།། བཅོམ་ལྡན་དཔལ་ཆེན་ཁྲོ་རྒྱལ་ཕྱག་བརྙན
iiif viewer powered by OpenSeadragon
