| e-texts navigator |
| Wylie |
32a1 ནི།། ཡེ་ནས་རིགས་ལྔའི་རང་བཞིན་ཡིན་པའི་ཕྱིར།། རྟོགས་ནས་སྤང་དུ་མེད་པར་གནས་རྒྱུ་ལ།། དེ་བཞིན་མ་རྟོགས་ཉོན་མོངས་རང་དགར་སྤྱད།། མི་སྤང་དམ་ཚིག་ཉམས་པ་མཐོལ་ཤིང
32a2 བཤགས།། དང་དུ་བླང་བའི་དམ་ཚིག་ལྔ་པོ་ནི།། དྲི་ཆེན་དྲི་ཆུ་དམར་ཆེན་ཟིལ་པ་དང་།། ཤ་ཆེན་ལ་སོགས་དམ་རྫས་རྣམ་པ་ལྔ།། གྲུབ་པ་བཞི་དང་ཡིན་པ་གསུམ་ལ་སོགས།། སོ་སོའི་རྣམ་པར་རྟོག་པ་ཀུན་སྦྱོངས
32a3 ཤིང་།། དངོས་གྲུབ་སྒྲུབ་པར་བྱེད་པའི་ཐབས་ཆེན་པོ།། འཛིན་རྟོག་མེད་པར་དང་དུ་བླང་རྒྱུ་ལ།། གཉིས་མེད་བལྟ་བས་དང་དུ་མ་བླངས་ཏེ།། གཙང་སྨེར་བལྟས་ནས་ཚུལ་བཞིན་མ་བླངས་པས།། རྟེན་པའི་དམ་ཚིག
32a4 ཉམས་པ་མཐོལ་ཞིང་བཤགས།། ཤེས་པར་བྱ་བའི་དམ་ཚིག་ལྔ་རྣམས་ལ།། ཕུང་པོ་ལྔ་དང་འབྱུང་བ་ཆེན་པོ་ལྔ། ཁ་དོག་ལྔ་དང་ཡུལ་ལྔ་དབང་པོ་ལྔ།། རྣམ་ཤེས་ལྔ་དང་རིགས་ལྔ་ཡེ་ཤེས་ལྔ།། ཡབ་ལྔ་ཡུམ་ལྔར
32a5 སྦྱོར་ཞིང་ཤེས་པ་ཡིས།། རྟོག་པ་ཁྱད་པར་ཅན་དུ་བགྱིད་རྒྱུ་ལས།། རྨོངས་ཤིང་འཁྲུལ་པས་དེ་ལྟར་མ་རྟོགས་ཏེ།། ཉན་ཐོས་ལ་སོགས་ཐེག་པ་འོག་མ་ལས།། རྟོག་པ་ཁྱད་པར་ཅན་དུ་མ་གྱུར་ཏེ།། ཤེས་བྱའི་དམ
32a6 ཚིག་ཉམས་པ་མཐོལ་ཞིང་བཤགས།། བསྒྲུབ་པར་བྱ་བའི་དམ་ཚིག་རྣམ་ལྔ་ལ།། རྡོ་རྗེའི་རིགས་དང་དེ་བཞིན་གཤེགས་པའི་རིགས།། རིན་ཆེན་རིགས་དང་དེ་བཞིན་པདྨའི་རིགས།། ལས་ཀྱི་རིགས་ལ་སོགས་ཏེ
iiif viewer powered by OpenSeadragon
