| e-texts navigator |
| Wylie |
31b1 ཆོད་རང་གར་བསྲུང་མཚམས་འདས་པ་དང་།། མ་རྟོགས་མ་བསྲུངས་སྒྲུབ་པའི་རྩལ་ཆུང་བས།། རྩ་བ་ཡན་ལག་བཅས་པའི་དམ་ཚིག་ལས།། ཉམས་ཆག་འགལ་འཁྲུལ་གྱུར་པ་མཐོལ་ལོ་བཤགས།། རྡོ་རྗེ་སློབ
31b2 དཔོན་མཆེད་དང་ལྕམ་དྲལ་ལ།། ལོག་ལྟ་ངན་སེམས་རྐུ་འཕྲོག་བརྡེག་ལ་སོགས།། ངན་དུ་སྨྲ་ཞིང་གནོད་པ་དངོས་སུ་བགྱིས།། སྐུ་ཡི་དམ་ཚིག་ཉམས་པ་མཐོལ་ལོ་བཤགས།། ཡི་དམ་ལྷ་ཡི་ཏིང་འཛིན་གཡེལ་གྱུར
31b3 ཅིང་།། ཕྱག་རྒྱ་རྣམ་བཞི་གཞུང་བཞིན་མ་གསལ་ཏེ།། སྔགས་དང་བཟླས་བརྗོད་སྙིང་པོ་བར་ཆོད་པས།། གསུང་གི་དམ་ཚིག་ཉམས་པ་མཐོལ་ལོ་བཤགས།། གསང་བཅུ་ལ་སོགས་མན་ངག་གཉེར་གཏད་པ།། དམ
31b4 ཚིག་ཉམས་དང་མ་འདྲེས་མེད་པ་ལ།། ཚིག་ཏུ་འཛགས་ཤིང་སྤྱོད་ལམ་རྩིངས་པ་ཡིས།། ཐུགས་ཀྱི་དམ་ཚིག་ཉམས་པ་མཐོལ་ཞིང་བཤགས།། སྤྱད་པར་བྱ་བའི་དམ་ཚིག་རྣམ་པ་ལྔ།། སྦྱོར་སྒྲོལ་མ་བྱིན་ལེན་དང
31b5 རྫུན་དུ་སྨྲ།། ཚིག་བརླང་ལ་སོགས་དམ་ཚིག་སྨད་ལྔ་ནི།། གཉིས་སུ་མེད་པའི་ངང་དུ་མཉམ་སྦྱར་ནས།། འགྲོ་བའི་དོན་དུ་གཞུང་བཞིན་སྤྱད་རྒྱུ་ལ།། བཀའ་དང་གཞུང་བཞིན་སྤྱད་པར་མ་གྱུར་ཏེ།། མ་རིག་ལོག
31b6 པར་སྤྱད་པའི་ཉེས་བྱས་ཀྱིས།། སྤྱད་པའི་དམ་ཚིག་ཉམས་པ་མཐོལ་ཤིང་བཤགས།། མི་སྤང་བ་ཡི་དམ་ཚིག་རྣམ་ལྔ་ནི།། འདོད་ཆགས་ཞེ་སྡང་གཏི་མུག་ང་རྒྱལ་དང་།། ཕྲག་དོག་ལ་སོགས་ཉོན་མོངས་རྣམ་ལྔ
iiif viewer powered by OpenSeadragon
