| e-texts navigator |
| Wylie |
317a1 སྒྲིབ་བྲལ་ཡིད་ཡུལ་མཐོང་།། རོལ་དང་འགྱིང་བག་སྒེག་ཉམས་བཅས།། རྗེས་སུ་ཆགས་དང་མངོན་ལོངས་སྤྱོད།། སྡུག་དང་མི་སྡུག་བཏང་སྙོམས་གཟུགས།། ཕྱི་ནང་བྱེད་པའི་ལས་ཀུན
317a2 བསྒྲུབ།། དབུས་ཤར་ནས་བརྩམས་རིམ་བཞིན་གཙོ།། རྣ་རྒྱུ་སྒྲ་སྟེ་རྣ་བའི་ཡུལ།། འུར་འུར་མགོ་དང་སྒྲ་འབྱིན་དང་།། རྟག་པར་རྒྱན་སྒྲ་གླུ་དང་ངུ།། ཡི་གེ་བརྗོད་པ་གནས་ཀྱི་རྒྱུ།། ཆུ་ཤིང་ལག་དང་རོལ་མོ
317a3 སོགས།། ཕྲིན་ལས་བཞི་ཡི་བརྗོད་སྒྲ་དག། གཙོ་འགྱུར་རིམ་པ་སྔར་བཞིན་ནོ།། སྣ་ཡི་སྐྱེ་མཆེད་ཡང་དག་རྒྱུ།། མ་ལུས་དྲི་དང་ཡན་ལག་དྲི།། ཀུན་འཛིན་ནང་གི་བྲོ་ཟས་དྲི། ཁྱད་པར་དྲི་དག་མི་བསྐྱོད་པ།། གཞན
317a4 དག་དབུས་ལྷོ་ནུབ་བྱང་རིམ།། ལྕེ་ཡི་རྣམ་ཤེས་རབ་ཏུ་རྒྱུ།། མངར་ཁ་བསྐ་དང་ལན་ཚྭ་ཚ་རིམ་གྱི།། དངོས་རྒྱུ་ལུས་ཀྱི་ཡོན་ཏན་ཏེ།། བསྟན་ནས་འཁྱུད་དང་སྒོ་རེག་དང་།། རྔུབ་དང་གཉིས་རབ་སྦྱོར་བ
317a5 ཡིས།། གནས་རྣམས་གསུམ་དང་དབུ་མའི་གནས།། དབུས་ལྷོ་ནུབ་བྱང་ཤར་སོགས་ཀྱིས།། གོ་རིམ་གྱིས་ནི་ཡུལ་ལྔ་ཡིན།། ཡེ་ཤེས་ལྔ་ཡིས་རབ་ཕྱེ་བ།། རྟེན་གསུམ་དག་ཅིང་གྲོལ་བ་ལ།། རྣམ་རྟོག་བག་ཆགས་མ
317a6 ལུས་སྦྱངས།། ཆོས་དབྱིངས་རྣམ་དག་ཡེ་ཤེས་སོ།། དངོས་པོ་མ་ལུས་གཟུགས་བརྙན་བཞིན།། ཅིག་ཆར་སྣང་ཤེས་མེ་ལོང་འདྲ། ཁམས་གསུམ་བསམ་པ་སྣོད་བཅུད་ཚོགས།། སེམས་རྟོགས་ངང་དུ་མཉམ་དེ
iiif viewer powered by OpenSeadragon
