| e-texts navigator |
| Wylie |
316a1 སྟེ།། རྒྱུན་བཞག་མེ་ཤེལ་གཙུབ་ཤིང་དང་།། ནགས་ཀྱི་མེ་ཡིས་ཕྱི་ཡི་རིགས།། རླུང་ཁམས་སྒྲོལ་མའི་ཁམས་རང་བཞིན། ཁྱབ་བྱེད་རླུང་ནི་གཙོ་བོས་བསྡུས།། སྲོག་འཛིན་མཐུར་འབྱིན་རྒྱུ་བ་དང་།། མེ
316a2 མཉམ་རིམ་པའི་བྱིན་རླབས་གནས།། སྟེང་འོག་དབུས་རླུང་གཙོ་བོ་སྟེ།། ཕྱོགས་བཞི་རང་གི་རིགས་ཕྱི་རོལ།། ཀུན་བཟང་མཁའ་དབྱིངས་ཕྱི་ནང་གི། སྟོང་པ་ལྔ་དང་ཕྱོགས་ལྔར་ཤེས།། སྐྱེ་མཆེད་སེམས་དཔར་སྦྱར
316a3 བ་ཡང་།། མིག་གི་སྐྱེ་མཆེད་སའི་སྙིང་པོ།། དེ་ལ་རིགས་ཀྱི་ལྔར་ཕྱེ་བ།། སྙིང་པོ་དག་ནི་མི་བསྐྱོད་མཐིང་།། སེར་ནག་རིན་འབྱུང་མེའི་རང་བཞིན།། འབྲས་དཀར་ཆུ་ནི་འོག་དཔག་མེད།། གཡོ་འགྱུར་རླུང་ནི་དོན
316a4 གྲུབ་བོ།། གཟུགས་སྣང་འཛིན་བྱེད་རྣམ་སྣང་ལ།། རང་བྱིན་རླབས་པའི་སྐྱེ་མཆེད་ལྔ།། རྣ་བ་ཕྱག་ན་རྡོ་རྗེ་སྟེ།། ཕྲ་རགས་གཟུགས་ནི་མི་བསྐྱོད་པ།། གཙོར་གྱུར་རང་བཞིན་རྣམ་སྣང་མཛད།། བུ་ག་མཐའ་ཡས་འོད
316a5 པབག་མེད།། གཡོ་བྱེད་རྩ་ནི་དོན་ཡོད་གྲུབ།། སྒྲ་རྣམས་འཛིན་བྱེད་རིན་འབྱུང་ངོ་།། ས་ཡི་སྐྱེ་མཆེད་ནམ་མཁའི་སྙིང་།། ཕྲ་གཟུགས་རང་བཞིན་ནང་དབུས་དང་།། སྣ་བུག་དྲི་འབྱེད་རིམ་བཞིན་དུ།། མི་བསྐྱོད་རྣམ
316a6 སྣང་རིན་འབྱུང་དང་།། དོན་གྲུབ་མཐའ་ཡས་རང་བྱིན་རླབས།། ལྕེ་ཡི་སྐྱེ་མཆེད་འཇིག་རྟེན་དབང་།། གཟུགས་དང་རང་བཞིན་རྩ་བ་དང་།། གཙོ་རྩེ་ཡང་མོ་རོ་ཡི་ཁྱད་འཛིན་རྣམས།། ཤར་དབུས་ལྷོ་ནུབ་བྱང་གི
iiif viewer powered by OpenSeadragon
