| e-texts navigator |
| Wylie |
315b1 རང་གི་གཟུགས།། འདི་དག་གཙོ་འཁོར་ཡབ་ཀྱི་དངོས།། དང་པོ་སུམ་ཅུ་ཉིད་དུ་འགྱུར།། ཁམས་ཀྱི་དབྱེ་བར་སྣང་བ་ཡང་།། ལྕི་ཞིང་སྲ་བས་རྟེན་བྱེད་ས།། བུདྡྷ་ལོ་ཙཱ་ཉིད་ཡིན་ནོ།། བརླན་དང་གཤེར་པས་རབ་ཏུ
315b2 སྡུད།། ཆུ་ཡི་ཁམས་ནི་མཱ་མ་ཀཱི།། ཚ་དྲོ་སྨིན་ཞིང་སྐེམ་བྱེད་པ།། མེ་ནི་གོས་དཀར་མ་ཡི་ཁམས།། བསྐྱོད་འདེགས་རྔུབ་དང་འབྱུང་བ་དག། ཡང་དང་གཡོ་བྱེད་སྒྲོལ་མའི་ཁམས།། གོ་འབྱེད་ཡངས་པའི་ཡོན་ཏན
315b3 ནི།། སྟོང་ཉིད་མཁའ་དབྱིངས་ཀུན་ཏུ་བཟང་།། རུས་པ་སྐྲ་དང་བཤང་བ་དང་།། སྙིང་དང་མཆིན་པ་རྣམ་སྣང་མཛད།། སྤུ་དང་སེན་མོ་རྣག་རིན་འབྱུང་།། སོ་དང་ལྤགས་ཤ་འོད་དཔག་མེད།། རྐུས་པ་རྩིབ་རུས་དོན
315b4 ཡོད་གྲུབ།། དྲི་མ་རྒྱུ་མཁྲིས་མི་བསྐྱོད་པ།། ནང་གི་ཁམས་ལྔའི་དབྱེ་བ་ནི།། རི་རབ་རྣམ་སྣང་མཛད་བྱིན་རླབས།། ཤར་ལྷོ་ནུབ་བྱང་གླིང་བཞི་ཡང་།། རིམ་བཞིན་རིགས་ཀྱི་བྱིན་རླབས་ཡིན།། དེ་དག་ཕྱི་ཡི་ས་ཁམས
315b5 སོ།། ཆུ་ཁམས་མཱ་མ་ཀཱི་ཡི་གཟུགས།། བད་ཀན་མཆི་མ་རྣམ་སྣང་མཛད།། གཅིན་རྡུལ་ཁྲག་དང་ཁ་ཆུ་དག། གོ་རིམ་བྱིན་གྱིས་རླབས་པའི་རིགས།། ཕྱི་རོལ་རྒྱ་མཚོ་རྣམ་སྣང་མཛད།། འབབ་ཆུ་ཆུ་བོ་བཀོད་མ
315b6 དང་།། ལྟེང་ཀ་རྣམས་ཀྱིས་རིགས་བཞིར་འགྱུར།། གོས་དཀར་མོ་ཉིད་མེ་ཁམས་ལ།། མགོ་བོ་མེ་དྲོད་རྣམ་སྣང་མཛད།། སྙིང་ག་ལྟེ་བ་ཡན་ལག་དང་།། ལྟོ་བའི་མེ་རྣམས་སོ་སོར་རིས།། རྡོ་ལས་བྱུང་བའི་གཙོ་བོ
iiif viewer powered by OpenSeadragon
